Skil vel

óánægju starfsmanna Ríkisútvarpsins og bendi á blogg mitt í síðustu viku (hér) þar sem ég m.a. bendi á að ég teldi að útvarpsstjóri hefði átt að byrja á að lækka meira launin hjá sjálfum sér. Hugsanlega þarf hagræðingaraðgerðir hjá Ríkisútvarpinu eins og annars staðar en allt er þetta spurning um hvernig hlutirnir eru gerðir.

Óréttlætanleg ofurlaun

Úr takt við samfélagið?

Það vantar í fréttina rökstuðning kjararáðs fyrir þessari niðurstöðu. Hann verður fróðlegur. En þetta er ekki í fyrsta sinn sem kjararáð kemur á óvart með niðurstöðu sinni. Gott að heyra að ríkisstjórnin ætli að leita annarra lausna.

Viðbót: Nú er fréttin orðin nákvæmari - og kjararáð segist ekki eiga að vera mótandi um kjaraþróun í landinu. Ég skil nú bara ekki þetta kjararáð. Hefur það ekki fylgst með síðustu vikurnar. Fyrirtæki á einkamarkaði eru að lækka laun, draga úr starfshlutfalli, segja upp fólki. Kjaraþróunin er skýrt komin fram. Kjararáð myndi ekkert móta þótt það hefði fallist á tilmæli forsætisráðherra.

Kjararáð getur ekki lækkað launin

Skilningur en ...

Það hafa flestir fullan skilning á því að einhvers konar hömlur þurfti að setja til að styðja við krónuna þegar hún verður sett á flot. En þessi frétt og aðrar af sama toga benda til að of langt hafi verið gengið með því regluverki sem sett var með stoð í lögum um um breytingu á lögum um gjaldeyrismál. Reglurnar, sumar hverjar, virðast snúnar í andhverfu sína og til þess var leikurinn ekki gerður. Því fyrr sem allir agnúar eru sniðnir af, því betra.

Lífsspursmál að breyta reglunum

Fara þarf varlega

Hugmyndin hljómar áhugaverð en fara þarf ofurvarlega. Lífeyrissjóðirnir hafa þegar tapað miklu fé á hruni bankanna. Séreignasparnaður okkar hefur líka tapast að hluta. Lífeyrissjóðirnir mega ekki við því að tapa mikið meir.

Vilja endurreisa fyrirtæki

Flott val

Þá er það orðin staðreynd. Hillary Clinton verður næsti utanríkisráðherra Bandaríkjanna. Hún á ugglaust eftir að standa sig með stakri prýði í því embætti. Flott val hjá Obama og styrkir án efa ríkisstjórn hans.

Obama útnefnir Clinton sem utanríkisráðherra

Bágt

á ég að trúa því að VG fengi svona fylgi í kosningum. Það er nefnilega einfalt að vera fúll í skoðanakönnunum en kjósendur eru þegar í kjörklefann kemur bæði skynsamir og ábyrgir. Og það er ekki, að mínu mati, ábyrgt að kjósa VG. Enda hvaða lausnir er VG með núna? Engar. Ögmundi vafðist tunga um höfuð þegar hann var fyrir viku spurður um það hvaða lausnir VG væri með vegna ástandsins. Hann átti engin svör.

VG stærsti flokkurinn

Skrílslæti?

Einhvern veginn virðist eins og hópur atvinnumótmælenda hafi tekið yfir þau mótmæli sem í gangi eru og breytt friðsömum mótmælum í skrílslæti og vitleysu, sem engum er sómi að. Vonandi lætur lögreglan þá sem sletta málningu og eggjum borga kostnaðinn af hreinsun svo skattgreiðendur sitji ekki uppi með þann kostnað.

Réðust inn í Seðlabankann

Er eitthvað

erfitt að lækka laun þessa hóps tímabundið? Að vísu hefur verið bent á að kjör forseta og sennilega dómara líka séu stjórnarskrárvarin. En hina hlýtur að mega lækka, ekki síst eftir að sérstök bón þar að lútandi hefur verið sett fram.

Svara að vænta frá Kjararáði

Þörf ábending

Ekki verður betur séð en að hér séu orð í tíma töluð. Glöggt er gests augað. Vantraustsumræðan fyrir viku sýndi betur en nokkuð annað að stjórnarandstaðan hefur engar lausnir. Hana bara langar í ráðherrastólana og völdin. Hvernig væri nú að hlusta á þennan þaulreynda mann og snúa okkur að því sem máli skiptir? Er 90 ára afmæli fullveldisins ekki tilvalinn dagur til að strengja slíkt heit?

Íslendingar einblína á vandann

Samningsmarkmið

Eitt af því sem ræða þarf næstu vikur fyrir landsfund er það hvað við viljum fá útúr samningaviðræðum við EB. Hverju viljum við ná og hverju, ef einhverju, erum við tilbúin til að fórna? Ekki sendum við fulltrúa okkar til Brussel í aðildarviðræður án samningsmarkmiða? Ljóst er að EB mun hafa sín samningsmarkmið og sjálfsagt hvergi hvika frá þeim. Það er því mikilvægt að við séum einnig með okkar markmið á hreinu. T.d. eins og það að í sjávarútvegsmálum verði engin eftirgjöf af okkar hálfu.

Teflt á tvær hættur með Evrópuumræðunni

Vinarbragð

Það kemur ekki á óvart að frændur okkar í Kanada sýni hug sinn í verki með þessum hætti. Á ferð okkar lögmanna á slóðir Vestur Íslendinga í október sl. fundum við glöggt hvað þeir fylgjast glöggt með öllu sem gerist á Íslandi. Með þessari söfnun sýna þeir einstakan stuðning þeim sem verst hafa orðið úti í því sem hér hefur gerst. Vestur Íslendingar eru vinir í raun.

Söfnun í Vesturheimi til styrktar Íslendingum

Á villigötum

Mér sýnist Svisslendingar vera á alvarlegum villigötum ef þeir samþykkja að lögleiða heróín og jafnvel kannabis líka. Hvorutveggja eru stórhættuleg fíkniefni, sem ég tel fráleitt að gera lögleg. Gagnvart slíkum fíkniefnum er einungis ein afstaða: Hafna því að þau geti nokkurn tímann orðið lögleg efni. Með lögleiðingu þessara fíkniefna er svo sannarlega verið að gefa ungmennum kolröng skilaboð.

Kosið um kannabis og heróin í Sviss