Og hver

er skýringin á því að Seðlabanki Íslands var með svo rúmar reglur um veðlánaviðskipti að viðskiptabankarnir gátu sótt þangað nánast ótakmarkað fé, eins og segir í fréttinni? Er einhver sem ber ábyrgð á því? Mættum við fá meira að heyra?

Ríkið tapar milljörðum á veðlánum Seðlabankans

Aðrar tillögur?

Það má örugglega gagnrýna ýmislegt í þeim tillögum sem heilbrigðisráðherra hefur lagt fram um sameiningu heilbrigðisstofnana um land allt. En hverjir eru kostirnir? Við erum rétt 300 þús. manns og erum með starfandi heilbrigðisstofnanir á alltof mörgum stöðum. Í fréttum kemur fram að yfir þessar tillögur verður farið, m.a. af hálfu heimamanna á hverjum stað, fram til 19. janúar nk. Agnúar, ef einhverjir, verða þá væntanlega sniðnir af í þeirri vinnu. Og rétt er að minna á að þessar sameiningar eru framhald vinnu sem hófst fyrir alllöngu og Alþingi lagði m.a. blessun sína yfir með setningu nýrra laga um heilbrigðisþjónustu frá 2007.

Gott væri nú að fá þá einhverjar tillögur frá VG um það hvernig þeir vilja hafa þetta, í staðinn fyrir að vera bara á móti.

Ráðherra segi af sér

Skiljanlegt en ...

Auðvitað hefur maður mikinn skilning á því að starfsmenn séu miður sín og kalli á skýringar á þeim breytingum sem boðaðar eru. Þeir hafa þegar bent á atriði sem þarf að svara - t.d. hver er skynsemin í því að allir starfsmenn fari að keyra daglega til og frá Keflavík, þar sem þeim býðst nýr vinnustaður, ef marka má fréttirnar.

En mér þótti slæmt að heyra að brugðist hafi verið við með því að hætta við aðgerð á sjúklingi, sem búinn er að bíða lengi eftir aðgerðinni. Ef marka mátti kvöldfréttir RÚV var eingöngu hætt við aðgerð sjúklingins sem viðbrögð starfsfólks við tíðindunum. Ef rétt er þá eru mótmæli starfsfólks látin bitna á saklausum sjúklingum. Til þess hafa starfsmenn ekki leyfi.

Starfsfólkið miður sín

Fjandsamleg?

Það er skrýtið að kalla þetta fjandsamlega yfirtöku. Ef félagið er með reglur sem gera hópi fólks kleift að skrifa sig inn í félagið korteri fyrir fund með öllum réttindum og skyldum a fundinum þá bara er þetta heimilt. Ekkert fjandsamlegt við það. Einhverjir hafa einfaldlega verið teknir í bólinu, ekki fattað hvað var í aðsigi. Sem að mínu mati sýnir allmikið andvaraleysi því miðað við stöðu mála máttu forystumenn félagsins gefa sér að slagur yrði um sætin á landsfundi. Og einhverjir hljóta að hafa tekið við umsóknum frá þessum 70 nýju félagsmönnum og átt að kveikja á því að þeir ætluðu að mæta á fundinn.

Fjandsamleg yfirtaka

Skynsamlegar tillögur

Það liggur í augum uppi að stokka þarf upp kerfið í heilbrigðismálum eins og í fleiru. Í allri þjónustu sem ríkið veitir þarf að vera öruggt að allir fjármunir séu nýttir sem best þannig að hámarksþjónusta fáist fyrir hverja krónu. Þetta verður ekki gert nema með sameiningu stofnana, tilfærslu verkefna og hugsanlega með fækkun starfsmanna sem á þessu sviði vinna. Mér sýnast þær tillögur sem heilbrigðisráðherra hefur kynnt í dag allar athygli verðar og í fljótu bragði um margt skynsamlegar.

Mér sýnist heilbrigðisráðherra sýna áræði, kjark og þor með þessum tillögum. Það liggur í augum uppi, og er þegar komi fram í öðrum fréttum á mbl.is, að tillögur af þessu tagi eru ekki til vinsælda líklegar, a.m.k. ekki í bráð.

Hagræðing um 1,3 milljarða

Væntanlega

er þessi uppákoma tilvísun í vel þekkta auglýsingu frá gamla Landsbanka Íslands. En ég fatta ekki hvaða táknræn mótmæli felast í þessu. Gott væri ef einhver gæti útskýrt það fyrir mér og öðrum sem ekki fatta heldur.

Spiluðu knattspyrnu í bankanum

Heitar umræður um hvað?

Eru menn að rífast um hverjir eiga að fara á flokksþingið eða eru þetta einhverjar málefnalegar deilur? Það er greinilegt að margir hugsa sér gott til glóðarinnar nú þegar endurnýja á forystu í Framsóknarflokknum. Og eins og margir hafa réttilega bent á - metorðastiginn er kannski hvergi styttri en í Framsóknarflokknum. Valdabröltarar sjá sér því leik á borði.

Hiti á fundi framsóknarmanna

En bíðum nú við ...

Í fjölmiðlum hafa birst viðtöl við breska lögmenn þar sem þeir hafa lýst því yfir að þessi beiting hryðjuverkalaganna hafi mjög hugsanlega verið ólögmæt. Fáum við ekki að sjá þetta lögfræðiálit?

Vonlaust dómsmál gegn Bretum

Ég vissi

að það var einhver ástæða fyrir því að ég var ekki búin að drífa mig í golfið.

Getur golf valdið heyrnarskaða?

Er lífið hringur?

Verkaskipting ríkis og sveitarfélaga er eilífðarviðfangsefni. Sjálfsagt er ýmislegt sem mælir með því að rekstur heilbrigðisþjónustu, a.m.k. heilsugæslustöðva, sé hjá sveitarfélögum. En mér finnst svo kúnstugt hvað lífið gengur í hring. Kringum 1990 - meðan ég var enn í heilbrigðisráðuneytinu - var allur rekstur heilsugæslustöðva færður frá sveitarfélögum til ríkisins af því að sveitarfélögin treystu sér ekki til að annast þessa þjónustu. Sá kostnaður sem þau þurftu að standa undir vegna þessa reksturs var þeim um megn. Stærsti hluti rekstrarkostnaðarins, þ.e. laun lækna, hjúkrunarfræðinga og ljósmæðra var þó greiddur af ríkinu. Þess vegna var í einhverjum viðræðum milli ríkis og sveitarfélaga um verkaskiptingu ákveðið að losa þau undan því oki að taka þátt í rekstri heilsugæslunnar. Nú, tæplega tveimur áratugum síðar virðast a.m.k. sum sveitarfélög vilja fá þennan kaleik til sín aftur, en sennilega allan peninginn með líka frá ríkinu.

Ég held að áður en lengra verður haldið á þessu sviði eigi að lögfesta lágmarksfjölda íbúa í sveitarfélögum og gera sveitarfélög stærðarlega í stakk búin til að taka að sér margvíslega nærþjónustu við íbúana, m.a. heilsugæslu. Það nálgast það að vera brandari að lög leyfi samfélagi 50 einstaklinga að vera sveitarfélag, en það er lágmarksíbúatala í sveitarfélagi skv. 1.mgr. 6. gr. sveitarstjórnarlaga. Rætt hefur verið um að breyta þessu lágmarki í 1000.Verður ekki betur séð en að það sé ekki einvörðungu skynsamlegt heldur nauðsynlegt að lögbjóða a.m.k. þá stærð á sveitarfélagi, eigi að fela þeim verkefni sem hingað til hafa verið á könnu ríkisins.

Sveitarfélög vilja koma að rekstri heilsugæslustöðva