Heitar umræður um hvað?

Eru menn að rífast um hverjir eiga að fara á flokksþingið eða eru þetta einhverjar málefnalegar deilur? Það er greinilegt að margir hugsa sér gott til glóðarinnar nú þegar endurnýja á forystu í Framsóknarflokknum. Og eins og margir hafa réttilega bent á - metorðastiginn er kannski hvergi styttri en í Framsóknarflokknum. Valdabröltarar sjá sér því leik á borði.

Hiti á fundi framsóknarmanna

Athugasemdir

[Salvör Kristjana Gissurardóttir, 7.1.2009 kl. 01:52]

Það voru heitar umræður um vinnubrögð og grasrótarlýðræði. Það vilja margir breytingar en það eru margir á því að tilgangurinn helgi ekki meðalið.  Við vorum mörg sem stigum í ræðustól og hvöttum til þess að stríðandi fylkingar leystu ekki málin þannig að sá liðsterkari valtaði yfir hinn heldur með samkomulagi og umræðum og málamiðlun.

Það þurfa heitar umræður um vinnubrögð og grasrótarlýðræði að eiga sér stað víðar. Ekki síst í Sjálfstæðisflokknum.  

[Jón Snæbjörnsson, 7.1.2009 kl. 09:02]

Það gæti margt gott farið að koma frá þessum Framsóknarflokki - held að við Sjálfstæðismenn þurfum "núna" að passa vel upp á okkur sjálf td að sitja ekki uppi með afdankaða stjónmálamenn og hvað þá þá sem nú þegar eru á gráu svæði útrásarinnar - fólk mun fylgjast grant með

[Dögg Pálsdóttir, 7.1.2009 kl. 14:12]

Það er landsfundur framundan hjá Sjálfstæðisflokki, Jón. Þar hlýtur einhver naflaskoðun að fara fram. Sjálfstæðisflokkurinn hlýtur að þurfa að skoða hvaða ábyrgð hann þarf að axla á því sem gerst hefur.