Oft veltir lítil þúfa þungu hlassi

Það er sannarlega vel til fundið að reisa minnisvarað um þetta meinta umferðarlagabrot Jóns Kristinssonar, svo afdrifaríkt varð það fyrir réttarkerfið í landinu. Atvikið sýndi hverju einstaklingar geta áorkað þegar þeir telja á mannréttindum sínum brotið, gefast ekki upp og taka málin alla leið.

Minnisvarði um sögulegan dóm

Hótun?

Ég skil ekki af hverju fjölmiðlar virðast vera að fara af hjörunum yfir meintum hótunum ISG um stjórnarslit ef niðurstaða landsfundar okkar sjálfstæðismanna verði önnur en sú að ganga til aðildarviðræðna um ESB. Það virðist gleymast að þingrofsumboðið er væntanlega í höndum forsætisráðherra. Það virðist líka gleymast að ef Samfylkingin telur sig ekki geta starfað með flokki sem hefur hafnað að stefna til Brussel þá þarf hún að finna annan flokk sem er tilbúinn til þess. Sá flokkur finnst ekki í íslenskri pólitík, a.m.k. ekki flokkur með nægilegan þingstyrk til að mynda ríkisstjórn með Samfylkingunni. Og síðast en ekki síst, ef landsfundur Sjálfstæðisflokksins ber ekki gæfu til að samþykkja að a.m.k. láta á það reyna hvað býðst í aðildarumræðum við EB þá sýnist mér að VG séu orðnir mjög vænlegur kostur til stjórnarsamstarfs fyrir Sjálfstæðisflokkinn. Báðir flokkar þá búnir að hafna EB.

Sjálf vona ég að landsfundarfulltrúar sýni þá víðsýni að taka Evrópuumræðuna á næsta stig þannig að ákveðið verði að sækja um aðild. Öðru vísi fáum við aldrei að vita fyrir víst hvað EB er tilbúið að bjóða okkur. Ég er þeirrar skoðunar að við þurfum að láta á þetta reyna, með aðildarviðræðum, og síðan ákveður þjóðin í þjóðaratkvæðagreiðslu hvort við teljum að viðunandi samningur hafi náðst.

Hafa ekki tíma fyrir truflun

Yndislegir aðventutónleikar

Ég var svo heppin að vera boðið á aðventutónleika Karlakórs Reykjavíkur í Hallgrímskirkju í gærkvöldi. Tónleikarnir voru í einu orði sagt yndislegir og fylltu mig og ég hygg alla aðra gesti sannri jólastemningu. Ég fullyrði að Karlakór Reykjavíkur er á heimsmælikvarða. Fyrir þá sem ekki hafa notið þá eru tónleikarnir aftur í dag kl. 17 og kl. 20. Ef það skyldi vera uppselt þá gaf kórinn út jóladisk fyrir einhverju síðan sem er frábær. Ég keypti hann eftir tónleikana í gær og er búin að spila hann núna í morgun. Ég get af heilum hug mælt með hvorutveggja, tónleikunum og disknum. Þeir sem á hlýða eru af hvorugu sviknir. Mér var sagt að kórinn hefði nánast fyrir tilviljun byrjað á því fyrir 17 árum að halda aðventutónleika og ætlað að gera þetta annað hvort ár. En sívaxandi vinsældir tónleikanna gera það að verkum að þetta er orðinn árviss viðburður og fernir tónleikar haldnir hverja aðventu. Margir líti á það sem nauðsylegan hluta af jólaundirbúningnum að fara á þessa tónleika. Eftir að hafa upplifað þá sjálf skil ég það vel og á fastlega von á því að gera aðventutónleika Karlakórs Reykjavíkur að föstum þætti í mínum jólaundirbúningi.

Gordon Brown

sýndi ótrúlega framkomu í garð vina- og bandalagsþjóðar þegar umdeildum hryðjuverkalögum var beitt gegn okkur. Og allt gerði hann þetta til að auka vinsældir heima fyrir, sem voru í lágmarki. Sagan hefur sýnt að þeir sem koma með þessum hætti fram við aðra fá með einum eða öðrum hætti makleg málagjöld. Og það bara má ekki gerast að við missum af því að láta á þetta athæfi reyna fyrir breskum dómstólum. Hver þau stjórnvöld sem ekki eru að gera það sem þeim ber í upplýsingagjöf til lögmanna okkar i Bretlandi, sbr. umfjöllun Kastljóss á fimmtudagskvöld, verða að gjöra svo vel og taka sig saman í andlitinu og útvega lögmönnunum þau gögn sem þeir bíða eftir. Annað er óásættanlegt.

Brown sparkaði í Íslendinga

Feðraveldi? Karlaveldi?

Í fréttum kemur fram að neyðarstjórn kvenna hafi "brennt feðraveldinu" í tunnum fyrir utan Alþingishúsið í dag. Hvaða feðraveldi? Meina þær ekki karlaveldi? Hér er ekki feðraveldi gagnvart börnum heldur mæðraveldi. Er nú ekki rétt að nota rétt hugtök í þessu? Og karlaveldinu má alveg brenna - það er alltof sterkt hér á landi.

Vekjaraklukka fyrir stjórnvöld

Sjálfsagt

Það er ekki nema sjálfsagt að allur ferða- og risnukostnaður stjórnvalda verði skorinn niður. Báknið hefur þanist út í góðærinu, m.a. þessi kostnaður. Það er sársaukalaust að draga úr þessum kostnaði og ekki séð að hann komið mikið niður á þjónustu við borgarana. Raunar tel ég að hagræða mætti meira víða í ríkisrekstrinum og það hlýtur að vera eitt af því sem skoða þarf frekar.

Sparað í ferðakostnaði á næsta ári

Villa í frétt?

Einhver villa er í þessari frétt. Í byrjun þessa árs var sett ný reglugerð um skilyrði gjafsóknar og starfshætti gjafsóknarnefndar nr. 45/2008. Þar kemur eftirfarandi fram um tekjuviðmið:

Við mat á því hvort gjafsókn verði veitt vegna efnahags umsækjanda skal miða við að stofn til útreiknings tekjuskatts og útsvars og fjármagnstekjur nemi ekki hærri fjárhæð en samtals kr. 1.600.000. Sé umsækjandi í hjúskap eða sambúð ber að hafa hliðsjón af tekjum maka og skulu samanlagðar árstekjur ekki nema hærri fjárhæð en sem nemur kr. 2.500.000. Þegar umsækjandi er yngri en 18 ára skal höfð hliðsjón af samanlögðum tekjum foreldra. Hækka skal viðmiðunarmörk tekna um kr. 250.000 fyrir hvert barn undir 18 ára aldri, þ.m.t. stjúp- og fósturbörn, sem búa hjá umsækjanda eða hann elur að mestum hluta önn fyrir.

Hér kemur skýrt fram að árstekjur hærri en 1,6 m.kr. veittu ekki gjafsókn. Hvaðan það kemur að breyta eigi tekjumörkum í 350 þús. á mánuði - sem eru mörk sem aldrei hafa verið, er því einhver alvarlegur misskilningur.

Þjóðskrá og Fasteignaskrá sameinaðar

Rússneska

einkaleyfastofan sýnist mér vera sú eina sem mun græða á þessu. Hún væntanlega tekur vænar fúlgur fyrir að skrásetja svona vörumerki.

Segist eiga réttinn á ;-)

Ráðherralaun -ríkisforstjóralaun

Ég hef bloggað um þetta áður. Mér er óskiljanlegt hvaða rök liggja að baki þeirri launaþróun að forstjórar ríkisstofnana eru með tvöföld laun ráðherranna sem yfir málaflokknum eru. Mér finnst þetta fráleitt og því fyrr sem þessu verður breytt því betra.

Forstjóri Fjármálaeftirlits með 1,7 milljónir í laun

Góð byrjun á Evrópuumræðunni

Þetta var prýðilegur fundur þar sem Evrópuumræðunni innan Sjálfstæðisflokksins var ýtt úr vör. Talsvert fjölmenni og mikið af nýjum andlitum sem sýnir að áhuginn er mikill. Það er stuttur tími fyrir þessa umræðu, sem verður því að vera hröð og snörp. Vonandi leiðir hún til að samningsmarkmið verða sett og ákveðið verði að ganga til aðildarviðræðna.

Evrópunefndin ekki einhliða

Til hreinnar fyrirmyndar

Stjórn og forstjóri LV eiga sérstakan heiður skilið að ganga svo snögglega til verks og sýna í verki skilning á því sem er að gerast í samfélaginu í launamálum. Sérstaka athygli vekur að forstjóri er lækkaður um 25% í launum -meira en lykilstjórnendur sem lækkaðir eru um 10%. Hér eru greinilega á ferð menn sem hafa eitthvað jarðsamband við grasrótina. Vonandi fylgja fleiri fréttir af þessu tagi á næstunni.

Laun stjórnenda LV lækkuð

Má skilja

frásögnina þannig að dánarauglýsingin hafi bara einhvern veginn af sjálfu sér hrokkið úr ónettengdum tölvum til Morgunblaðsins, þar sem hún var birt? Það er eiginlega ekki boðlegt að ætlast til að lesendur trúi þessu.

Grín sem gekk of langt