Hjartanlega sammála

Það er ánægjuleg niðurstaða Mannréttindadómstólsins sem er tilefni þessarar fréttar. Og ég gæti ekki verið því meira sammála að læknaráð er algerlega úrelt fyrirbæri. Þrátt fyrir það tókst ekki fyrir 13 árum síðan að gera löngu tímabærar breytingar á lögum um læknaráð. Þá var lagt fyrir Alþingi frumvarp til nýrra laga um læknaráð (sjá http://www.althingi.is/altext/118/s/0446.html). Þá sögu þekki ég því ég var ritari nefndarinnar sem samdi frumvarpið. Af óskýrðum ástæðum dagaði frumvarpið uppi og ekki hefur verið reynt síðan að breyta þessum löngu úreltu lögum.

Vonandi verður drifið í því sem fyrst að fella gildandi lög um læknaráð úr gildi. Kannski þarf ekkert læknaráð - hugsanlega má láta dómkvadda matsmenn duga.

„Læknaráð algerlega úrelt fyrirbæri"

Athugasemdir

[K Zeta, 8.7.2007 kl. 17:24]

Þú þarft að koma með "Concrete" tillögur af nýju fyrirkomulagi við rannsóknir á mistökum og óhöppum í heilbrigðiskerfinu.  Umræðan þarf að komast útúr þröngsýnum glugga að hérna séu engin mistök í upplýsta umræðu hvernig hægt sé að forðast mistök eða hafa þau í lágmarki.  Að ég nú tali ekki um vanrækslu sem ekki flokkast undir mistök heldur frekar glæp.  Mistök eru og verða alltaf og sá sem gerir engin mistök gerir ekkert.  Vanræksla er allt annað.