Símakostnaður

Í Mogganum í dag er sagt frá því að Síminn hafi hækkað gjaldskrá sína 1. júlí sl. Símtal milli heimasíma kostar núna 1,85 kr. mínútan og hækkaði um tæp 6%. Enn meir hækkaði mínútan úr heimasíma í gemsa eða upp í 17,70 kr., um liðlega 6%.

Fáir útgjaldaliðir heimila og fyrirtækja hafa hækkað jafnmikið á síðustu árum og símakostnaðurinn. Í umfjöllun Morgunblaðsins bendir forstjóri Póst- og fjarskiptastofnunar á að á sama tíma og þessi kostnaður standi í stað erlendis hækki hann sífellt hér á landi. Þetta hafi hann margbent á við lítinn fögnuð símafyrirtækjanna.

Og við bara borgum og segjum ekki orð. Væri nú ekki ráð að kalla eftir skýringum símafyrirtækjanna á þessum tífalda mun á mínútuverði? Af hverju er þessi munur svona mikill, á sama tíma og sum símafyrirtæki bjóða ókeypis símtöl úr gemsa í heimasíma ef báðir símar eru skráðir á sömu kennitölu?

Athugasemdir

[Ása (IP-tala skráð) 4.7.2007 kl. 23:20]

Mikið rosalega er þetta rétt hjá þér Dögg - eins og símanotkun hefur aukist mikið og þá væntanlega innkoma til símans er þetta undarlegt! Ég hafði nú ekki veitt athygli þessari hækkun 1. júlí svo ég er heppin að lesa bloggið þitt!!

Umhugsunarvert hvort það sé til einhver leið að knýja símann útí meiri þjónustu við kúnnana með lægra mínútuverði!!!

[Edda Agnarsdóttir, 5.7.2007 kl. 02:26]

Neytendavitund okkar er svo takmörkuð að það er alveg undarlegt. Ég hef ekki einu sinni sjálf hugmyndaflug til að koma með tillögu um áróður gegn þessu. Þessi símamál okkar eru svo þrúgandi að það hálfa væri nóg. Eina sem mér dettur allt í einu í hug er að segja upp öllum farsímum, það eru t.d. fjórir á mínu heimili.

[Róbert Trausti (IP-tala skráð) 5.7.2007 kl. 08:39]

Neytendur gæti sín.

[Gísli Gíslason, 5.7.2007 kl. 12:19]

Síma markaðurinn er eins og rafmagns og hitaveitu markaðurinn.  Það er ekki virkur  markaður sem myndar söluverðið á þessari þjónustu.