Skrítið...

að kalla það "að flýja til fjalla" að ákveða að hafa flokksþing í Stykkishólmi.

Gagnrýna flokksforystuna

Eftirlitsstofnanir brugðust

Það er greinilega víðar en hér sem fjármálaeftirlitið brást.  Eftirlitsstofnunum er ætlað að tryggja að starfsemi þeirra sem þær eiga að hafa eftirlit með sé í samræmi við lög og reglur. Eftirlitsstofnanir eiga að tryggja trúverðugleika þeirrar starfsemi sem þær eiga að hafa eftirlit með. Eftirlitsstofnunum á fjármálamarkaði er ætlað að gefa leikendum á þeim markaði, ekki síst fjárfestum, öryggi fyrir því að óhætt sé að fjárfesta í markaðnum.

Það er því afleitt þegar eftirlitsstofnanir bregðast og í ljós kemur að verra var að hafa þær vegna þess falska öryggis sem þær gáfu. Eitt af því sem þarf að meta í eftirleik hrunsins er af hverju fjármálaeftirlitið hér brást. Var regluverkið sem fjármálaeftirlitið starfaði eftir ónógt eða var það framkvæmdin á því sem mistókst svona gersamlega?

Við skulum ekki gleyma því að 14. ágúst 2008 birti FME á heimasíðu sinni frétt um það að íslensku bankarnir stæðust álagspróf stofnunarinnar. Þáverandi forstjóri FME sagði um niðurstöðuna: J"Niðurstöður álagsprófsins sýna að eiginfjárstaða bankanna er sterk og getur þolað töluverð áföll. ..." 

Tæpum 8 vikum seinna voru þrír af fjórum íslensku viðskiptabankanna komnir í þrot.

Segir breska fjármálaeftirlitið hafa brugðist gersamlega

Snýst málið ekki fyrst um ?

Áður en farið er að ræða hvenær kjósa eigi til stjórnlagaþings hlýtur að þurfa að ákveða hvort við viljum stjórnlagaþing. Ég hef áður á þessari bloggsíðu lýst efasemdum um að kjósa til stjórnlagaþings. Samkvæmt því sem fram hefur komið mun kostnaður við stjórnlagaþing hlaupa á hundruðum milljóna króna. Ég held að á þessum tímum sé þeim fjármunum mun betur varið í ýmislegt annað, gagnlegra fyrir land og þjóð.

Ekki ætla ég að gera lítið á nauðsyn þess að endurskoða stjórnarskrána. Það er löngu tímabært og hefur raunar verið eilífðarverkefni frá lýðveldisstofnun. En það hlýtur að mega gera með öðrum og hagkvæmari hætti en með stjórnlagaþingi. Ný ríkisstjórn hefur þegar sett á laggirnar vinnuhóp til þessa starfs. Má ekki láta þennan hóp vinna hratt og síðan efna til opinna funda um allt land um þær tillögur sem vinnuhópurinn kemur fram með? Með því fæst aðkoma almennings að breytingum á stjórnarskránni.

Kjósa á til stjórnlagaþings samhliða

Og hvað með það?

Vonandi, seljendanna vegna, er fasteignamarkaðurinn í New York ekki eins botnfrosinn og fasteignamarkaðurinn hér á Íslandi.

Hann langar ...

E.t.v. á að formaður Samfylkingarinnar að axla ábyrgð á bankahruninu og hætta sem formaður. Ég hefði þó haldið að heilsufar gæti ekki síður spilað inn í ákvörðun formannsins um áframhaldandi formennsku.

En eigi formaðurinn að axla ábyrgð vegna bankahrunsins, hvað þá um aðra þá sem gegndu fyrir Samfylkinguna ráðherraembætti í ríkisstjórn Sjálfstæðisflokksins og Samfylkingarinnar? Eiga þeir ekki, og þar á meðal núverandi forsætisráðherra, að axla líka ábyrgð.

Þess vegna vekur sérstaka athygli að fv. formaður Alþýðuflokksins leggur til að hans fyrrum fjandvinur, núverandi forsætisráðherra, verði formaður Samfylkingarinnar. Bátt er að trúa að nokkur alvara liggi að baki þeirri tillögu hans.

Það sýnist augljóst hvað liggur að baki tillögu fv. formanns Alþýðuflokksins enda býður hann sjálfan sig fram sem varakost í formennskuna. Hann vill verða formaður og hann vill komast í pólitík á nýjan leik. 

Í Alþýðuflokknum var illa komið fram við sitjandi formenn hverju sinni og oftast vaðið í þá þegar til formannskjörs kom. Ekki verður betur séð en að fv. formaður Alþýðuflokksins sé með tillögu sinni að innleiða sömu vinnubrögð gagnvart sitjandi formanni í Samfylkingunni.

Jón vill að Ingibjörg víki

Umhugsunarefni

Þessi dómur Hæstaréttar er umhugsunarefni m.a. fyrir þá sök að málið er dæmt af þremur dómurum og með þeim næst ekki samstaða um niðurstöðuna. 

Einn dómari, sem er settur hæstaréttardómari um þessar mundir, en er að öðru jöfnu prófessor í skaðabótarétti við lagadeild Háskóla Íslands, vildi sýkna, þ.e. staðfesta héraðsdóm. Héraðsdómur var fjölskipaður, þrír lögfræðingar, þar af einn sem er landsþekktur kylfingur.

Niðurstaðan er því sú að í héraði töldu þrír dómarar að sýkna ætti vegna kröfu um viðurkenningar á bótaábyrgð. Í Hæstarétti er dómnum snúið við, tveir dómarar telja að bótaskyldu eigi að viðurkenna en einn vill staðfesta héraðsdóminn. Samtals eru því fjórir dómarar á því að enga bótaskyldu eigi að viðurkenna en tveir vilja viðurkenna bótaskylduna. Sú niðurstaða stendur.

Ég velti fyrir mér af hverju ekki var ákveðið að málið færi í fimm manna dóm í Hæstarétti til að tryggja að staða af þessu tagi kæmi ekki upp.

Kylfingur bótaskyldur

Æskudýrkun

Hluti af vanda bankanna var nákvæmlega þetta sem skýrt er frá í fréttinni. Ungir, reynslulausir eða reynslulitlir karlmenn voru ráðnir í störf og reynslumeiri starfsmönnum var vikið til hliðar. Starfsmenn sem ekkert þekktu nema uppgang voru við stjórnvölin. Og byrjuðu svo að skammta sér ofurlaun. Höguðu sér eins og þeir ættu bankana sjálfir. Gleymdu því að bankarnir voru almenningshlutafélög. Meðan arðurinn var þokkalegur og gengið hlutabréfanna í bönkunum hækkaði kvörtuð fáir. Litlu hluthafarnir mættu varla á aðalfundina. Varnaðarorð voru látin sem vindur um eyrun þjóta. Af öllu þessu þarf að læra.

Reynslulausir réðu í bönkum

Áleitin spurning

Af hverju hafði Evrópski seðlabankinn frumkvæði að því að bjóða fram umsögn um seðlabankafrumvarpið, ef eftir því yrði formlega óskað? Það er áleitin spurning. Hingað til hafa erlendir aðilar lítið verið að skipta sér að lagasetningu hér á landi og þvi síður boðið fram umsagnir.

Afþökkuðu umsögn Seðlabanka Evrópu

Breyta og bæta

Athugasemdir AGS hljóma ekki svo flóknar að þingnefnd, með dyggri aðstoð nefndarritara, eigi ekki að ráða við að gera nauðsynlegar breytingar á frumvarpinu, ef vilji er fyrir hendi. Vilji er allt sem þarf til að koma þessu máli í gegn. Spurningin er sýnist mér: Er það vilji meirihluta þingmanna að breyta lögum um Seðlabanka Íslands með þeim hætti sem lagt hefur verið til, að gerðum þeim breytingum sem AGS virðist leggja til?

Þarf að hugsa málið upp á nýtt

Ferðalög

Áhugavert hefði verið ef blaðamaðurinn hefði fengið tölulegar upplýsingar um það hversu margar páskaferðir seldust í fyrra og hversu margar seljast nú. Það segir lítið að ferðaskrifstofur hafi dregið úr framboði. En það er ánægjulegt að fjárhagsstaðan sé ekki daprari en svo að fjölmennur hópur Íslendinga getur farið til útlanda um páskana.

Færri komast utan um páskana en vilja