Áhugaverður listi fyrirtækja

Það er fróðlegt að skoða ársreikninga stjórnmálaflokkanna fyrir árið 2007, sem var kosningaár. Ekki verður séð en að meira og minna allir stjórnmálaflokkarnir hafi leitað eftir og fengið fjárstuðning frá fyrirtækjum útrásarvíkinganna. Meira að segja VG líka. Fyriræki sem nú eru ýmist komin í þrot eða að fótum fram í rekstri sýnast hafa stutt flesta ef ekki alla stjórnmálaflokkanna með hámarksframlagi, 300 þús. kr., þetta kosningaár. Meðal nafna sem sjást á þessum listum eru Baugur, FL Group, Fons, Glitnir, Kaupþing, Landsbankinn, Nýsir, Samson. Er ég ein um að vera hugsi yfir þessum listum?

En mér finnst gott að komin séu lög sem skylda stjórnmálaflokkana til að birta með þessum hætti hvaða fyrirtæki styrkja þau.

Samanlagt tap stjórnmálaflokkanna 281 milljón

Augljóst

Þessi ákvörðun lá augljós fyrir, sbr. bloggfærslu mína fyrr í dag. Önnur ákvörðun hefði verið óábyrg í ljósi stöðu mála.

Jóhanna svarar kalli

Umhugsunarefni

Mér er það talsvert umhugsunarefni að ÖSE skuli telja þörf á eftirliti hér með alþingiskosningunum 25. apríl nk. Er það ábending um að sendinefndin hafi í heimsókn sinni séð eitthvað sem hún telur skoðunarvert og þess vegna leggur hún til eftirlit. Eða er hér einvörðungu um að ræða almennt og hefðbundið eftirlit?

Eftirlitsmenn fari til Íslands

Sammála

Það er ekki hægt annað en að vera sammála hverju orði sem framkvæmdastjóri Samtaka atvinnulífsins segir um þessa vaxtalækkun. Ábyrgð peningastefnunefndar er mikil. Í henni sitja: Svein Harald Öygard seðlabankastjóri, Arnór Sighvatsson aðst.seðlabankastjóri, Þórarinn G. Pétursson yfirhagfræðingur Seðlabankans, Dr. Anne Sibert og dr. Gylfi Zoega. Þau tvö síðastnefndu eru tilnefnd af forsætisráðherra.

Á heimasíðu Seðlabanka Íslands er birt yfirlýsing peningastefnunefndar. Þar segir m.a.:

Við upphaf vaxtalækkunarferlisins telur peningastefnunefndin rétt að fara varlega og haga vaxtabreytingum með hliðsjón af tíðu endurmati á stöðunni eftir því sem efnahagslegur stöðugleiki eykst. Í því ljósi hefur nefndin ákveðið að bæta við vaxtaákvörðunarfundi 8. apríl næstkomandi.

Nefndin telur það varlega farið að lækka stýrivextina úr 18% í 17%. Flestir aðrir kalla þetta lækkun sem engu skiptir. Fyrir liggur að fráfarandi stjórn Seðlabankans hafði lagt til meiri lækkun stýrivaxta áður en hún fór frá. Það er umhugsunarefni.

„Ótrúlega lítil lækkun"

Svoleiðis gera menn bara ekki

Ef Jóhönnu er annt um Samfylkinguna liggur í augum uppi hver niðurstaða hennar verður: Hún mun gefa kost á sér sem formaður. Ella hefði hún átt að vera löngu búin að taka af skarið og segja nei svo svigrúm gæfist til að finna annað eða önnur formannsefni. Það er ekki boðlegt af henni að segja nei, viku fyrir landsfund og setja í uppnám öll forystumál flokksins. Svoleiðis gera ekki stjórnmálaleiðtogar sem ætlast til að  teknir alvarlega og stjórnmálaleiðtogar sem bera hag flokks síns eitthvað fyrir brjósti.

Biðin eftir Jóhönnu á enda

Orðlaus

Mér er spurn: Erum við, fólk og fyrirtæki í landinu, ekki jafn illa sett með 18% stýrivexti og 17%? Mér finnst það nánast engu muna. Hvað skyldi peningastefnunefndin hafa þurft að funda lengi til að taka þessa stefnumótandi ákvörðun? Maður verður ekki oft orðlaus, en núna er maður það algerlega. ,,Fjallið tók joðsótt og það fæddist mús."

Stýrivextir lækkaðir í 17%

Af hverju?

Fróðlegt væri að fá að vita af hverju þingmenn mættu ekki til boðaðs þingfundar þannig að atkvæðagreiðslu þurfti að fresta. Eru þeir ekki að fylgjast með hvenær boðað er til þingfunda eða voru þeir að sinna mikilvægari verkefnum?

Þingmenn mæta illa

Útfærsluatriði?

Mér finnst það miklu meira en útfærsluatriði hvort stýrivaxtalækkunin er gerð í færri eða fleiri stökkum. Því stærri skref sem tekin eru í hverri vaxtalækkun þeim mun hraðar lækka vextirnir. Og stýrivaxtalækkun, sem hröðust, er mikilvæg og raunar lífsnauðsynleg atvinnulífinu og fjölskyldunum í landinu.

Vildu lækka vexti en fengu ekki

Er FME

að vakna af þyrnirósarsvefninum? Þessi frétt er ánægjuleg vísbending um það. Batnandi stofnunum er best að lifa.

Kannski einhver skriður fari nú að komast í öll þau mál sem klárt þarf að rannsaka í tengslum við hrunið.

Fimm lífeyrissjóðir í rannsókn

Kynjuð hagstjórn

Hljómar bæði spennandi og áhugavert. Gagnlegt hefði nú verið fyrir okkur lesendur sem ekkert um þetta vitum (vona að ég sé ekki ein í þeirri fáfræði) að fá nánari skilgreiningu og útlistun á því hvað þetta er.

Boðar kynjaða hagstjórn

Firring

Reiði Obama er skiljanleg og eðlileg. Stjórnendur AIG virðast veruleikafirrtir og ákvörðun þeirra um að efna bónusgreiðslur ekkert annað en hneyksli. En erum við ekki að sjá svipaða firringu hér með tillögu sem liggur fyrir stjórn HB Granda? Á sama tíma og frestað er að standa við gerða samninga um launahækkun ætla eigendur að greiða sér feitan arð?

Obama reiður yfir AIG hneyksli

Tók langan tíma

Maður er eiginlega mest hissa á því að þetta skyldi taka þennan tíma og þessa fjölmiðlaumfjöllun. Hefði ekki átt að gera þetta strax og fyrir lá að starfsmaðurinn hafði löðrungað barnið?

Hefur verið sagt upp störfum