Þarf skilaboð?

Það hvarfar ekki annað að mér en að VG séu löngu búnir að skilja skýr skilaboð forsætisráðherra um það að ef þeir gera ekki eins og henni finnst þá sé þessu stjórnarsamstarfi lokið. Slík skilaboð sendi hún út í byrjun síðustu viku með þeim afleiðingum að heilbrigðisráðherra úr ranni VG sagði af sér ráðherradómi. En illa finnst mér forsætisráðherra koma í bakið á fjármálaráðherra með birtingum af þessu tagi. Hingað til virðast forsætisráðherra og fjármálaráðherra hafa unnið vel saman. Svo vel að fjármálaráðherra virðist hafa tekið talsvert álag af forsætisráðherra þannig að á stundum hefur virst meira mæða á honum en forsætisráðherranum. Með þessari framkomu verður ekki betur séð en að forsætisráðherra sé að gefa fjármálaráðherra langt nef. Það kemur á óvart. Vandséð er hverjir vilja vinna með Samfylkingunni ef þetta eru vinnubrögðin sem formaður hennar telur bjóðandi samstarfsflokki.

Er að senda VG skilaboð