Hótanir?

Gott hefði verið að heyra eftir hverjum Daily Mail hefur þessar hótanir um afleiðingar þess fyrir Ísland ef Icesave verður hafnað á Alþingi. Eftir því sem meira kemur fram um Icesave sýnist ekki annar kostur en að hafna þessu. Og meðan leynd hvílir yfir fjölda skjala gagnvart almenningi þá verður að treysta því að þingmenn neiti að afgreiða málið. Hverju er verið að leyna þjóðinni?

Daily Mail: Getur skaðað stöðu Íslands

Athugasemdir

[Elvar Eyvindsson (IP-tala skráð) 19.7.2009 kl. 20:05]

Við næðum eflaust mikilli virðingu í alþjóðasamfélaginu ef við almennt séð mundum afsala okkur því að fara dómstólaleiðina yfir höfuð. Hvenær sem erlendir menn teldu sig eiga sökótt við okkur gætu þeir bara tekið miða og beðið þess rólegir að við myndum hefja greiðslur eða hvað það væri sem þeir krefðust. Þvílík virðing sem við fengjum og örugglega ættum við greiða leið í alskyns áhugaverðan félagsskap.

[Héðinn Björnsson, 20.7.2009 kl. 11:21]

Hótanirnar koma frá íslenskum stjórnvöldum sem hafa haft þær frammi ótt og títt án þess að færa fyrir þeim neinar handbærar staðfestingar.