Fresta ...

Hvað stoppar formann Samfylkingarinnar í því að upplýsa strax hverjum Samfylkingin skuldaði 124 milljónir í árslok 2007? Skyldu þar vera nöfn kröfuhafa, sem eiga háar kröfur, sem er óþægilegt að sýna? Eru svör Samfylkingarinnar háð því að aðrir stjórnmálaflokkar svari? Ekki það, auðvitað eiga allir stjórnmálaflokkarnir að upplýsa, og það strax, hverjum þeir skulduðu þennan tæpa hálfa milljarð í árslok 2007. Kjósendur eiga rétt á því að vita það, fyrir kosningar.

 

Fjármál flokkanna verði skoðuð

Athugasemdir

[Kolla (IP-tala skráð) 20.4.2009 kl. 13:59]

Var 76 milljón króna skuld Sjálfstæðisflokksins fyrir eða eftir 60 milljón króna framlag FL-Group og Landsbanka? Ég hef ekki séð að það hafi komið fram í þessari umræðu.

[Jóhannes Guðnason, 20.4.2009 kl. 14:30]

Æ,Æ,Æi,Dögg mín,ekki fara á þetta lága plan,allir vita hvar þú ert í pólitíkinni,þetta skot þitt,breytir engu varðandi þessar siðlausu peningafúlgur sem þið og samfylkingin tóku við,ekki reyna að koma öðrum í þann mikla skít sem þið eru í varðandi peningamál,við eru búinn að fá nó af því,reyndu frekar að rífa þinn flokk upp á eigin forsendum,ekki með skítkasti á einhver annan flokk,sem er kannski líka sekur,það bætir ekki ykkar stöðu,kondu frekar með lausnir á efnahagsmálu,hvað þinn flokkur ætlar að ger varðandi atvinnuleysið ?,hvort þið ætli að hækka eða lækk skatta,? hvernin ætli þið að koma fyrirtækjum í gang ?? já Dögg mín,viltu koma með einhvað sem gagnar mér,svo ég geti tekið áhvörðun um hvað ég ætti að kjósa,einhvað jákvætt,einhvað sem vit er í,horfum fram í tíman,verðum hress og bjartsýn,lífið er ekki búið,þótt allt sé að fara til anskotans,þínir pislar eru yfir höfður mjög góðir og það er gaman að lesa þínar skoðanir,því vill ég að þú haldir áfram á þeirri línu,en þarna fórst þú aðeins út  í kant,en það er alltaf hægt að rétta sig við,Takk fyrir.

[Ásgrímur Hartmannsson, 20.4.2009 kl. 14:58]

Svörin eru að öllum líkindindum: "Já."

Það er bjartsýni að halda að þetta muni breytast.

[Dögg Pálsdóttir, 20.4.2009 kl. 15:03]

Kolla, 76 m.kr. skuld Sjálfstæðisflokksins er fyrir endurgreiðsluna vegna styrkja frá FL og LÍ. Þessar skuldatölur allra flokka miðast við árslok 2007. Jóhannes: af hverju má ekki kalla eftir því hverjum allir stjórnmálaflokkarnir skulduðu tæpan hálfan milljarð í árslok 2007? Ég hef kallað eftir því að Sjálfstæðisflokkurinn upplýsi það - og að allir aðrir flokkar upplýsi það. Einlæglega tel ég að kjósendur eigi rétt á því að vita þetta, fyrir kosningar. Það hefur ekkert með það að gera hvar ég stend í stjórnmálum. Það er einfaldlega mikilvægt að vita tvennt: Hverjir styrkja stjórnmálaflokka og hverjum stjórnmálaflokkar skulda peninga.

[Kolla (IP-tala skráð) 20.4.2009 kl. 15:17]

Takk fyrir svarið. Ég skil það þannig að ef ekki hefði komið til þessi framlög frá FL-Group og Landsbanka væri skuldin 136 milljónir.

Varðandi seinni hluta svarsins: Ég gæti ekki verið meira sammála, sama hvaða stjórnmálaflokkur á í hlut. Það er líka ergilegt að þessir sömu flokkar víla og díla um opinber framlög til stjórnmálaflokka sem fyrir eru, meðan ný framboð fá EKKERT.