Virðingarvert, en hvernig?

Það er út af fyrir sig virðingarvert að nýr bankastjóri Nýja Landsbankans biði afsökunar á mistökum bankans fyrir hrunið. Bankastjórinn segir mikilvægt að stjórnendur og starfsmenn nýja bankans væru ekki í feluleik. Hann segir að þeir geti ekki skorast undan því að axla ábyrgð á mistökum fortíðarinnar. Hann segir það einu leiðina til að ná sáttum við umhverfið að nýju.

Þá er spurningin: Hvernig ætlar Nýi Landsbankinn að axla ábyrgð á mistökum fortíðarinnar? Hvernig ætlar bankinn að ná sáttum við umhverfið á ný? Það vantar svar við þeim áleitnu spurningum. Eftir þeim svörum hlýtur að þurfa að kalla. 

Baðst afsökunar á mistökum bankans

Athugasemdir

[Guðmundur St Ragnarsson, 18.4.2009 kl. 13:39]

Sammála en mér finnst að þú eigir líka að spyrja að því Dögg hvenær ætlar Geir H Haarde og aðrir ráðherrar, núverandi og fyrrverandi að biðja þjóðina afsökunar. Fleiri ættu að reyna að fylgja fordæmi Ásmundar.

[Kristinn Svanur Jónsson, 18.4.2009 kl. 20:55]

sæl Dögg, langar að benda þér á youtube síðu Sjálfstæðisflokksins http://www.youtube.com/watch?v=fccVLliukr4 .

kveðja

[Gunnlaugur Sigurðsson (IP-tala skráð) 18.4.2009 kl. 23:21]

Þú og félagar þínir í Sjálfstæðisflokknum ættuð að sjá ykkur sóma í því að gera slíkt hið sama. Svo ættu þið að halda ykkur til hlés í amk. tvö kjörtímabil, fólkið er búið að fá nóg af ykka einræðistilburðum.

Ég hef trú á því að mikið af Sjáfstæðisfólki sem stundar sjálfstæðan rekstur muni nú kjósa Samfylkinguna. Það veit að þannig á það séns að sótt verði um aðild að ESB. 

[Halldór (IP-tala skráð) 19.4.2009 kl. 00:12]

Ekki finnst mér að Ásmundur geti beðist afsökunar á því sem illa fór, fyrir hönd þeirra sem áttu og stýrðu Landsbankanum fyrir hrunið.

[Páll A. Þorgeirsson (IP-tala skráð) 19.4.2009 kl. 10:36]

Það er eins og "höfuð bankans" sé ekki alveg í takt við raunveruleikann (kannski fengið sólsting í vetrarfríinu).  Á sama tíma og Ásmundur biðst afsökunar sendir bankinn út "hótanir um  innheimtuaðgerðir" (ég hef sjálfur séð nokkur dæmi um það) til fólks sem þegar hefur gengið frá breytingum á sínum "vanskilum" við bankann, sem í raun fyrri eigendur bankans komu fólki í.  Það er eins og hægri höndin viti lítið eða ekkert hvað sú vinstri gerir á þeim bæ.  Ég tæki hugsanlega mark á afsökun Ásmundar, sem mér finnst reyndar kjánaleg, ef hann yfirgæfi bankastjórastólinn.

[Heiðar Birnir, 19.4.2009 kl. 11:30]

Þá loksins skildi ég þetta.  Þess vegna gat Geir Haarde ekki beðið þjóðina afsökunar og ekki viljað axla ábyrgð.  Það hefði þó í mesta lagi verið virðingarvert, en hvernig átti hann svo sem að geta gert það?

Hvernig átti Geir Haarde að axla ábyrgð á mistökum fortíðarinnar, fyrri ríkisstjórnum Sjálfstæðisflokksins?  Hvernig átti hann að ná sáttum við umhverfið á ný? Því gat hann aldrei svarað og því var bara ekki gert neitt, nema biðja Flokkinn afsökunar.  But mayby he should have.

[Ragnhildur Kolka, 19.4.2009 kl. 12:28]

Afsökunarbeiðni Ásmundar er hreint og beint kjánaleg. Hún er sett fram í andrúmslofti hugmynda um að allir beri sök nema þú sjálfur og hinir seku eigi að berja sig til blóðs og sýna iðrun. Þessi árátta sem hefur gripið um sig hér gerir lítið úr ábyrgð manna þegar skilgreind sök liggur ekki fyrir.

Hver er sekt Ásmundar? Sat hann og dottaði í einhverri bankastjórn? Var hann gerandi í atburðarásinni.  Við vitum að Ásmundur stýrði ekki bankanum inn í hrun. Hann á ekkert með að milda sekt þeirra sem það gerðu, því við eigum rétt á að þeir svari til þeirra saka sem á þá verða bornar.

Orð Ásmundar eru því innantómt kurteisishjal.

[Hrönn (IP-tala skráð) 19.4.2009 kl. 12:38]

Ég fæ nú bara aulahroll þegar þessar afsökunarbeiðnir birtast. Skiptir voða litlu máli, og er algjörlega merkingarlaust. Fyrir utan að vera afar létt í vasa. Þetta er þvílík hræsni að manni verður óglatt.