Ámátlegt yfirklór

Þessi tilkynning frá FME er ámátlegt yfirklór. Sagan sýnir að stundum þarf kjarkaða blaðamenn til að afhjúpa athæfi, jafnvel þótt þeir viti að þeir séu komnir á grá svæði varðandi trúnað og þagnarskyldu. Hvernig var með Watergate málið í Bandaríkjunum? Þar var opinber starfsmaður sem braut trúnað. Af hverju? Honum ofbauð það sem í gangi var. Sama virðist vera með þær upplýsingar sem með einhverjum hætti var komið til umræddra blaðamanna. Einstaklingar sem vissu af því sem í gangi var ofbauð og þeir komu upplýsingunum áleiðis. Til að um málin yrði fjallað í fjölmiðlum.

Ég treysti því að viðskiptaráðherra, sem virðist ekki sáttur við aðgerðir FME, grípi inn í þannig að blaðamenn geti haldið áfram að afhjúpa það sem öðrum virðist kappsmál að fela.

FME telur umræðu ómálefnalega

Athugasemdir

[Guðmundur St Ragnarsson, 3.4.2009 kl. 19:38]

Gæti ekki verið meira sammála Dögg. Það heyrist ekkert í þessari stofnun nema þeir séu komnir í nauðvörn.