Leita í fréttum mbl.is

Pirringur þingmanna minnihlutastjórnarinnar

Ræða háttvirts þingmanns Katrínar Júlíusdóttur endurspeglar þann pirring sem er í þingmönnum minnihlutastjórnarinnar. Hún var pirruð yfir því að þurfa að vera á staðnum. Pirruð yfir því að geta ekki farið heim eins og allir hinir þingmenn minnihlutastjórnarinnar. Ástæðan fyrir því að þingmaðurinn þurfti að vera á staðnum er sú að hún er formaður iðnaðarnefndar og málin sem til umræðu voru heyra undir þá þingnefnd.

Málið er ekkert flókið. Það er margbúið að bjóða minnihlutastjórninni að sest verði niður og samið um framgang mála þannig að þing geti farið heim og menn einbeitt sér að kosningabaráttunni. Minnihlutastjórnin vill ekki semja. Hún ætlar að gera það sem er nánast fordæmalaust eftir að lýðveldi var stofnað: Að knýja fram breytingu á stjórnarskránni án þess að þverpólitísk samstaða sé um breytinguna. Flestir umsagnaraðilar vara þó við þeim breytingum sem þar eru lagðar til og átelja þann asa sem er á málinu. Stjórnarskránni skal breyta, hvað sem tautar og raular.


mbl.is „Hættið þessu helvítis væli"
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Daníel Sigurðsson

það þýðir ekkert að vera með einhverja fýlu útí stjórnina... og samkvæmt könnunum þá er þetta langt frá því að vera minnihlutastjórn þó að hún sé það fram að kosningum.

það er ekkert skrýtið að stjórnin sé pirruð útí þetta endalausa tuð í sjálfstæðismönnum sem enginn heilvita Íslendingur vill að komi nálægt stjórnun landsins næstu árin.

það er ykkur sjálfstæðismönnum að þakka að ísland sé komið úr efstu sætum yfir lista þeirra landa sem hafa minnsta spillingu yfir að vera meðal þeirra landa í heiminum sem hafa mesta spillingu í stjórmálum.

ég sem Íslendingur er ekki sáttur við að mitt land sé flokkað með löndum eins og Ruanda, Sudan, Nigeria ofl.

en þrátt fyrir gífurlega spillingu í sjálfstæðisflokknum þá er samt greinilega einhver smá siðferðisvitund hjá þeim þar sem þeir vildu ekki fá þig í framboð... það eru takmörk fyrir því hversu spilltir einstaklingar komast í toppsætin !

Daníel Sigurðsson, 3.4.2009 kl. 10:13

2 identicon

Kæra Dögg, hvernig væri nú að þú tækir lagið á Alþingi í dag. Það er það skársta sem þingmenn Sjálfstæðisflokksins gera á Alþingi þessa dagana. Já, ég held bara að þú gætir toppað brekkusöngvarann.    

Stefán (IP-tala skráð) 3.4.2009 kl. 10:27

3 identicon

Held þú ættir að hlusta á það sem Katrín sagði. Hún vildi málefnalegar umræður ekkert væl. Enda tímaeyðsla að hlusta á nuð og tuð. Stundum þarf að berja í borðið og halda fólki við efnið. Þetta var gott hjá Katrínu.

Ásta Kristín Svavarsdóttir (IP-tala skráð) 3.4.2009 kl. 10:32

4 Smámynd: Guðrún Sæmundsdóttir

Það er með ólíkindum að minnihlutastjórnin ætli að þvinga í gegn Stjórnarskrárbreytingu með dæmalausri frekju og yfirgangi. Slíkar breytinga þarfnast mikils undirbúnings og þverpólitískrar sáttar. Haltu áfram Dögg að standa gegn þessum yfirgangi!

Guðrún Sæmundsdóttir, 3.4.2009 kl. 11:59

5 Smámynd: Sigurbjörn Sveinsson

Málatilbúnaður sjálfstæðismanna í þinginu núna á lítinn hljómgrunn meðal þjóðarinnar. Þjóðin skilur ekki þessar skipulögðu tafir, sem þeir viðhafa um framgang þingmála. Málþóf er þetta víst kallað en e-ð hefur þeim farist óhönduglega að opna augu almennings fyrir krossferð sinni í þágu gamalla stjórnarskrárákvæða.

Þetta fólk virðist ekki í neinu sambandi við raunveruleikann lengur og mylur utan af sér atkvæðin eins og hross í klakabrynju. Það leggur sig allt fram um að sú spá rætist, að þjóðin velji því hlutskipti stjórnarandstöðu á komandi árum, vitandi að það er sennilega öllum fyrir bestu.

Sigurbjörn Sveinsson, 3.4.2009 kl. 15:17

6 identicon

Ég held að Katrín hafi talað þarna fyrir munn ansi margra, Sjálfstæðisflokkurin heldur að.... ég veit bara ekki hvað þetta fólk heldur lengur. Hins vegar er frammistaða flokksins á þingi með ólíkindum.

Það er bráðnauðsynlegt að breyta stjórnarskránni, jafnvel skipta henni út með öllu. Eðli málsins samkvæmt getur Alþingi ekk komið nálægt þessari nýju stjórnarskrá, sem lögfræðingur skilur þú manna best um hvað málið snýst.

Stjórnarskráin er ekki skjal sem á að sníða utan um vilja flokkakerfisins og sú krafa að allir flokkar verði að vera sammála um efni hennar getur aldrei skilað því plaggi sem þörf er á. SJálfstæðisflokkurinn er hræddur um að missa spón úr aski sínum og óttast ekkert meira en að ríkið missi völd sín. Sem er kaldhæðnislegt því að SSF þykist aðhyllast frjálshyggju í stjórnmálum.

Flokkurinn er búinn að vera vegna málefnakreppu. Hugmyndafræði ykkar er ónýt og úrelt og þið sýnduð fram á það sjálf síðustu 18 ár ykkar í stjórn. Seinasta útspil Sjálfstæðisflokks i ríkisstjórn var borið af pöllunum af fólkinu í landinu og enn er ykkar helsta svar að standa á bremsunni og reyna að bíða og tefja af ykkur öll mál sem eru óþægileg fyrir ykkur. Ég tek undir með Katrínu:

Hættið þessu helvítis væli.

bogi (IP-tala skráð) 3.4.2009 kl. 15:52

7 Smámynd: Björn Birgisson

Þingið á að sitja til 17. apríl, með stuttu fríi um páskana. Kosningabaráttan þarf ekki lengri tíma. Flestir hafa þegar gert upp hug sinn. D listinn hefur þegar tapað 23 þúsund atkvæðum frá kosningunum 2007 og framferði þeirra á Alþingi undanfarna daga gerir það að verkum að tapið verður nær 30 þúsund atkvæðum í vor.

Björn Birgisson, 3.4.2009 kl. 16:43

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Dögg Pálsdóttir
Dögg Pálsdóttir
Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Heimsóknir

Flettingar

  • Í dag (29.3.): 0
  • Sl. sólarhring:
  • Sl. viku: 9
  • Frá upphafi: 0

Annað

  • Innlit í dag: 0
  • Innlit sl. viku: 4
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband