Miklir peningar

Þetta eru hrikalegar fjárhæðir sem verið er að greiða og sýna best hversu mikið atvinnuleysið er orðið. Hversu lengi á Atvinnuleysistryggingasjóður fyrir bótum? Hvenær kemur að því að ríkissjóður þarf að leggja honum til fjármuni? Það verður að blása lífi í atvinnulífið svo hægt sé að fjölga störfum á ný. Það er áhyggjuefni hvað þetta gengur allt hægt.

Tveir milljarðar króna í bætur

Athugasemdir

[Agla (IP-tala skráð) 2.3.2009 kl. 19:14]

Hvaða ráð eru til bjarga?

Hvernig er hægt að blása lífi í atvinnulífið svo hægt sé ð fjölga störfum á ný?

Hvers vegna gengur þetta allt svo hægt?

[Dögg Pálsdóttir, 2.3.2009 kl. 23:50]

Það þarf Agla að lækka vexti. Það er númer eitt, tvö og þrjú. Það þarf að reisa við bankakerfið svo þeir geti farið að lána fyrirtækjum starfsfé. Með því geta fyrirtækin aftur farið að fjölga störfum. Með því gætu ný fyrirtæki komist af stað, með tilheyrandi atvinnusköpun. Af hverju gengur þetta svona hægt? M.a. af því að ríkisstjórn Sjálfstæðisflokks og Samfylkingar var sein til viðbragða eftir hrunið. Menn voru tvístígandi með hvernig þeir ætla að styðja við fyrirtæki svo atvinnuskapandi verkefni geti haldið áfram. Ný stjórn virðist jafn tvístígandi. Bkv. Dögg