Af hverju?

Þriðjudagur, 13. janúar 2009

Mér er óskiljanlegt af hverju ráðherrarnir þurftu að ganga inn i þinghúsið í gegnum mótmælendahópinn. Hægt er að komast inn í húsið gegnum bílakjallara. Það var engin ástæða til að setja ráðherrana í þá hættu sem þeir greinilega voru þarna í, þegar mótmælendur reyndu að varna þeim inngöngu í Alþingishúsið. En mér finnst gott að sjá að kæra eigi þá sem ollu skemmdum fyrir eignaspjöll.

	Tveir mótmælendur handteknir
Ábyrgðarmaður færslu Tilkynna um óviðeigandi tengingu við frétt

Flokkur: Bloggar | Facebook

Athugasemdir

Hvað finnst þér þá um að það eigi EKKI að kæra þá sem hafa ollið eignarspjöllum á heimilunum í landinu?

Svo hefur einnig komið fram að það voru ekki nein eignarspjöll framin þarna - myndavél sá sagt var að hafi skemmst var víst biluð fyrir.

Jump to conclutions - a respectable lawer like you?

Þór Jóhannesson, 14.1.2009 kl. 00:06

Ef þú ert að vísa til efnahagslegs hruns heimilanna þá eru það eignaspjöll í öðrum skilningi en refsiréttareglum. Og ég veit ekki betur en Alþingi sé búið að setja á laggirnar heila rannsóknarnefnd til að rannsaka aðdraganda og ábyrgð á þeim eignaspjöllum.

Dögg Pálsdóttir, 14.1.2009 kl. 07:54

Mér finnst þetta vera sönnun þess að ráðherrar hafa engan skilning á ástandinu og gera sér ekki grein fyrir alvarleika málsins.

Mótmælendur eru í huga ráðherranna "skríll" og "þið eruð ekki þjóðin".

Sigurður Haukur Gíslason, 14.1.2009 kl. 08:47

Þegar einhver er grunaður um skemmdarverk á myndavél eru tveir einstaklingar umsvifalaust handteknir og læstir bak við lás og slá - ljós kemur að myndavélin var skemmd fyrir og því er þeim sleppt án ákæru.

Þegar einhver er grunaður um stórfelld svik og pretti sem orsaka allt að því þjóðargjaldþrot og stórskaða lífsafkomu fólksins í landinu, sem og velferð og almenna heilsu - þá er ásættanlegt í þínum huga að Alþingi sé búið að setja á laggirnar heila rannsóknarnefnd. 100 dagar frá neyðarlögum og ekki einn maður verið kærður eða hnepptur í varðhald!

Þetta er frekar öfugsnúið og gjörsamlega óásættanlegt fyrir fórnarlömb þeirra síðarnefndu (sem er meira og minna allt fólkið í landinu).

Hvaða pólitík veldur því að þessi ólög eru að eyða landinu? Er ekki komin tími á að Sjálfstæðisflokkurinn þinn fari í langt frí?

Þú veist sjálf að lög eru ekki yfir allan vafa hafin og þegar lögin þjóna ekki réttlætinu og fólkinu í landinu að þá eru það bara ólög og hvað segir ekki í síðarhluta slagorðsins fræga, "...og með ólögum eyða."

Þá þarf að setja ný lög - á Alþingi en þetta fólk þar setur bara ekki nein ný lög sem þjóna réttlætinu eða fólkinu í landinu. Nei þeir setja lög sem tryggja sér t.d. að litlir stjórnmálflokkar fái ekki inn fólk þrátt fyrir að hafa hlutfallslega nægilegt fylgi til að hafa 2 menn á þingi. Þeir setja lög sem tryggir þeim - og flokkum þeirra - meiri völd. Þannig afbaka þeir lýðræðið með ólögum og hafa komið hér upp flokksræði - sem er skelfilegt - ólög af verstu gerð.

Þór Jóhannesson, 14.1.2009 kl. 09:55