Að mótmæla

Ég skil vel þá sem vilja lýsa andúð sinni á FME og kerfinu í heild. Margt hefur farið úrskeiðis og ýmislegt bendir til að stofnun eins og FME hafi ekki staðið sig sem skyldi í þeim eftirlitsverkefnum sem henni er trúað fyrir.

En ég leyfi mér að spyrja: Þarf í leiðinni að valda skemmdum og kasta eggjum í viðkomandi stofnanir? Hvaða tilgangi þjónar að brjóta rúður og kasta eggjum? Er ekki hægt að lýsa andúð sinni án skemmdarverka?

Rúður brotnar

Athugasemdir

[Ásdís Thoroddsen (IP-tala skráð) 18.12.2008 kl. 12:20]

Já, mótmæli landans eru nú sem fyrr tempruð. í öðrum löndum væri vaðið inn í bankana, hefur jú margoft gerst, Argentínu um árið, hérlendis lætur fólk sér nægja að kasta snjóboltum og eggjum í sökudólgana. Og stjórnvöld og yfirmenn fjármála sitja sem fastast, þrátt fyrir að hafa stýrt þessu litla þjóðfélagi út í eitt hið hrikalegasta gjalþrot sem sögur fara af.

[Fannar (IP-tala skráð) 18.12.2008 kl. 12:46]

Ég held að fólk sé að átta sig á því að stjórnvöld ætla ekki að gera neitt í málunum og engin á að axla ábyrgð.  Málamynda rannskókn kannski, sem skilar engri niðurstöðu.  Geir Hilmar er búinn að setja Ísland í gjaldþrot en honum finnst að hann beri enga ábyrgð á þessu, talar um að það sé auðvelt að vera vitur eftirá o.s.frv.   Sama óstjórnin ríkir eftir hrun og spillingin grasserar sem aldrei fyrr.

Hann virðist ekki gera sér grein fyrir því að efnahags óstjórn síðari ára og óhæfar eftirlitsstofnanir eiga hvað stærstan þátt í því ömurlega ástandi sem nú ríkir.  Hann kom okkur í þessa stöðu með sinni værukærð og andvaraleysi.  Nú er hann að valda þjóðinni ennþá meiri skaða með því að viðhalda þeirri óstjórn og spillingu sem ríkti fyrir hrun.

Hann virðist ekki gera sér grein fyrir því að hann er stór hluti af vandamálinu og að hann mun aldrei verða hluti af lausninni, til þess er hann algjörlega óhæfur.  Þinnar aðstoðar er ekki óskað Geir, þú gerir bara illt miklu verra. 

Hans "legacy" verður  "Forsætisráðherrann sem setti þjóðina á hausinn með aðgerðar- og andvaraleysi"  Nú er hann að bita hausinn af skömminni með því að hanga ennþá á völdum þrátt fyrir að það sé augljóst að hann veldur þessu verkefni engan veginn.

[Sigurður Þór Guðjónsson, 18.12.2008 kl. 16:47]

Þetta er smámunasemi. Afhverju kvartarðu ekki yfir hinum raunverulegu skemmdarverkum.