Já er það?

Algerlega hafði það farið fram hjá mér að þessi ágæta kona væri á allra vörum. En það er sjálfsagt ekki að marka - ég er ekki með stöð 2 þar sem hin áberandi varabirting birtist. Og fyrir okkur sem af misstum þá fáum við ítarlegar leiðbeiningar á bloggsíðu konunnar. Eitthvað til að dunda sér við í jólafríinu - því aðferðin virðist í meira lagi tímafrek, auk þess sem ekki verður betur séð en að hún kalli á talsverð fjárútlát í snyrtivörum.

Varir Ásdísar Ránar eru á allra vörum

Athugasemdir

[snorri (IP-tala skráð) 18.12.2008 kl. 10:19]

talandi um "ekki frétt" og farðanir ég sá þennan þátt og og var eiginlega bara að bíða eftir Jóni Gnarr en fyrst ég hafði aldrei séð þessa 'Asdísi Rán þá ákvað ég þarna með opnum huga að heyra hvað hún hafði fram að færa og OMG!!! sjá þetta hún minnti mig á Pamelu Anderson algjört viðundur og fyrst talað var um allar upplyftingarnar og breytingar afhverju upplýsir hún þá ekki hver minnkaði og hægði á heilastarfseminni hjá henni

[Guðmundur Karl Einarsson (IP-tala skráð) 18.12.2008 kl. 10:20]

Ég hef aldrei skilið hvers vegna fjölmiðlar, sérstaklega visir.is, birta stöðugar fréttir af gellunni. Mér finnst hún bara ekkert merkileg, jú jú hún er alveg falleg, en ekkert spes finnst mér.

Fræg fyrir að vera fræg??? Hmmm, Paris Hilton kannski?

[ThoR-E, 18.12.2008 kl. 12:04]

Snorri: Þú ert nú meira fíflið.

[Sigurbjörn Friðriksson, 18.12.2008 kl. 14:05]

Þetta er ekki í fyrsta skipti sem ég er vitni að fordómum gagnvart fallegri konu, fyrir það eitt að hún er ekki með hor í nefinu, brjóst hangandi niður á nafla, stóranog feitan rass, stutt í klofið, í lopapeysu með kringlótt gleraugu, reykir pípu og tekur í nefið. 

Þannig var Halla hans Fjalla Eyvindar útilegumanns og ég hef ekki lesið neina nútímagagnrýni áhana, en hjá konum vekur Ásdís Rán ótta, öfund og afbrýðissemi sem af skiljanlegum ástæðum blandast þá einnig hatri sem er eðlilegt, þær eru jú konur. 

Karlpeningurinn hinsvegar sem horfir en ekki fær hugsar: "Jú vínberin eru áreiðanlega súr" (Dæmisögur Esóps).  Einnig þetta karlermbu viðhorf: "Hún er ljóshærð og falleg og hlýtur þá að vera heimsk og vitlaus, tómt í höfðinu á henni.  Þar að auki kvenmaður og henni fellur best að vera "Bara HúsMóðir (BHM) og "Eldhúsmella". (BHM og Eldhúsmella eru orðatiltæki sem voru fundin upp af Rauð-Sokkum til að niðurlægja aðrar konur í þá tíð). 

Ásdís Rán, þó ég þekki hana ekkert nema úr fjarlægð, þ.e., úr fjölmiðlum, er til algjörrar fyrirmyndar að mínu mati, dugleg, vinnusöm og framagjörn.  En því hún er "Útrásar Víkingur" og þá er löglega búið að veita veiðileyfi á hana og allir mega (og eiga?) að niðurlægja hana, fyrirlíta og hata. 

Dugnaður og framagirni = vont.  Meðalmenska = gott.  Aulaháttur, leti og ómennska = best.  Þetta er manngildi nútímans, eftir bankahrunið.

Kær kveðja, Börn bóndi  

[lundi (IP-tala skráð) 18.12.2008 kl. 17:58]

Þessi stúlka er örugglega ágæt, þekki hana ekkert, veit ekkert um hana og fylgist ekki með henni. Datt inn á þetta þar sem ég hélt að ég væri sá eini sem ekki vissi um þetta og leit af forvitni inn á síðuna hennar. Þar póstar einhver fyrir og eftir myndum af henni. Fyrr má nú rota en dauðrota segi ég nú bara. Þessar varir eru eins og hún hafi fengið einn eða tvo áann. Alveg hrikalegt að sjá glæsilega konu breytast í úttútnað skrímsli. Afhverju gera konur svona?

[Rósa (IP-tala skráð) 18.12.2008 kl. 21:22]

 Björn bóndi, ææææææ hvað ég er orðin þreytt á þessu: efþérfinnstúnhallærislegþáhlýturðuaðveraafbrýðissöm syndrómi! Hvað hefur þessi fagra kona gert merkilegt, fyrir utan að vera fögur? (sumum meira að segja finnst hún ekki fögur, pældíðimar!) Þessi manneskja fer í taugarnar á mér og fréttirnar af henni fara líka í taugarnar á mér. Ingibjörg Sólrún fer líka í taugarnar á mér. Er ég þá líka afbrýðissöm útí hana? Hvað ef ljótur kall þolir ekki sætan kall. Er hann þá bara afbrýðissamur?