Er

núverandi meirihlutasamstarf Sjálfstæðisflokksins og F-listans að verða of dýru verði keypt fyrir Sjálfstæðisflokkinn? Skoðanakönnunin sem birtist í kvöldfréttum bendir til þess. Vinstri flokkarnir í Reykjavík eru með kringum 70% stuðning borgarbúa. Hver hefði trúað því að slíkar niðurstöður gætu komið úr skoðanakönnun í Reykjavík? Auðvitað er skoðanakönnun ekki það sama og kosningar. En það styttist í borgarstjórnarkosningar. Ekki held ég að stuðningur við þessi verk borgarstjórans og F-listans auki hróður borgarstjórnarflokks Sjálfstæðisflokksins. Hann á verk að vinna ef hann ætlar að endurheimta traust sjálfstæðismanna og annarra sem hingað til hafa treyst Sjálfstæðisflokknum best til að stjórna Reykjavíkurborg. Ég held að þetta sé ekki alveg aðferðin til að endurheimta það traust.

Skipt um fulltrúa í skipulagsráði

Athugasemdir

[haraldurhar, 7.8.2008 kl. 23:10]

   Allavega hef ég ekki náð uppí það ennþá, að kjörnir borgarfulltrúar Sjálfstæðisflokksins, létu hafa sig í þá ósvinnu, að kaupa tvo kofa á Laugavegi fyrir yfir 6oo milljónir staðgreitt.  Tel að erfitt verði fyrir frambjóðendur Sjálfstæðisflokksins til borgarstjórnar í næstu kostningum eigi erfitt með að fara undir gömmlu lummuni, um ábyrgð og stöðuleika er þeir hafa nú svo oft flotið á.

[Þóra Guðmundsdóttir, 8.8.2008 kl. 13:55]

Já. Það sem verra er að þetta samstarf er alltof dýru verði keypt fyrir alla borgarbúa og það í skjóli Sjálfstæðismanna.