Ómakleg ummæli

Í vikunni var 2. umræða um frumvarp félags- og tryggingamálaráðherra til laga um jafna stöðu og jafnan rétt karla og kvenna. Í umræðu féllu ómakleg ummæli af hálfu eins þingmanna VG í garð Félags um foreldrajafnrétti (hér og hér). Félagið berst fyrir sem jöfnustum rétti feðra og mæðra vegna barna. Sú staðreynd að félagið hét áður Félag ábyrgra feðra getur varla skipt máli, frekar en Félag einstæðra foreldra hét áður Félag einstæðra mæðra. Allt endurspeglar þetta hinn breytta veruleika þegar kemur að börnum, barnauppeldi og hlutverkaskiptingu kynjanna.

Margir telja, og er ég í þeim hópi, að jafnrétti á öðrum sviðum náist ekki fyrr en meiri jöfnuður verði með foreldrum, þegar kemur að ábyrgð á börnum og barnauppeldi. Að líkja Félagi um foreldrajafnrétti við fótboltafélag sýnir vanþekkingu á þeirri mikilvægu baráttu sem félagið stendur í. Það er nákvæmlega af því að jafnrétti er sameiginlegt verkefni karla og kvenna að það er mikilvægt að félags- og trygginganefnd skuli hafa lagt til að félag um foreldrajafnrétti skuli eiga fulltrúa í Jafnréttisráði. Með því er leitast við að enn breiðari hópur félaga á þessu sviði komi að jafnréttisumræðunni.

Athugasemdir

[María Kristjánsdóttir, 19.1.2008 kl. 12:31]

Tenglarnir í ummæli Kolbrúnar virka ekki

[Sigurður Haukur Gíslason, 19.1.2008 kl. 16:45]

Það er ótrúlegt að Kolbrún skuli ræða um skipan í nefndir af eins miklu þekkingarleysi og húngerir hér með þessum hætti. Hún gerir lítið úr einu stærsta kynjamisrétti sem ríkir hér í okkar samfélagi en það er hvernig farið er með feður sem áhuga hafa á að umgangast og bera ábyrgð á börnum sínum eftir skilnað.

Það væri gaman að vita hvort þetta sé almennt stefna Vinstri grænna í jafnréttismálum, þ.e. að konur eigi að eiga meiri rétt en karlar.

[Kristinn Sigurjónsson (IP-tala skráð) 19.1.2008 kl. 17:02]

Jafnrétti er nú vandskilgreint, hafa menn og fjölmiðlar reynt að skilgreina það í gegnum tíðina og reynt að skreyta sig með þeim fjöðrum.
Enginn vill kannast við ójafnrétti en það hefur þó í forræðismálum verið kyrfilega meitlað í grjót, bæði í lögum og dómum.    Hefur þetta verið myllusteinn ótal feðra, sem félag ábyrgra feðra hefur barist gegn á sl. árum.  Afstaða Kolbrúnar að vilja ekki hafa fulltrúa hóps sem hefur búið við langmesta ójafnrétti kynjanna fram að þessu,  sýnir að henni er ekki umhugað um raunverulegt jafnrétti, heldur forrréttindi. einstakra hópa.

[Bjöggi (IP-tala skráð) 19.1.2008 kl. 18:02]

Málið er að við karlarnir höfum orðið útundan í jafnréttisbaráttunni. Staðalímyndir um stöðu karla hafa lítið sem ekkert breyst og lítið verið í umræðunni, annað en staða konunnar og staðalímyndir um stöðu hennar. Veit að sumum finnst fáránlegt að benda á að það halli á karlmenn þegar það kemur að jafnrétti og oftar en ekki er gert grín af körlum í jafnréttisbaráttunni og baráttumálefnum þeirra(nema ef þeir eru í karlafélagi femínistafélags íslands).

Eins og sést glöggt á umælum Kolbrúnar þá má rödd karlmannsins ekki heyrast í jafnréttisbaráttunni. Félög þar sem staða karlanna er skoðuð meiga ekki leggja hönd á jafnréttisbaráttuna en félög sem skoða sértstaklega stöðu konunnar eiga að hafa fulltrúa í jafnréttisráði. 

[Bjöggi (IP-tala skráð) 19.1.2008 kl. 20:18]

Fullur, ég held að þú þurfir að láta renna af þér.

[Sigurður Þórðarson, 19.1.2008 kl. 21:31]

Allir vitibornir foreldrar reyna að firra börn sín óþarfa tjóni við skilnað. Ef foreldrar komast ekki að samkomulagi ætti hæfara foreldirið (sem oftar er kona) að ráða. En það eru sannarlega til undantekningar á því.

Mér finnst Kolbrún stundum tala af meiri  VG innlifun  en skynsemi en hún hefur nú beðist afsökunar á þessu rugli sínu og er meiri manneskja fyrir það.

[Þórdís Bára Hannesdóttir, 19.1.2008 kl. 23:13]

Var þetta ekki fyrst og fremst klaufaskapur hjá Kolbrúnu? og svo blásið upp. Það held ég.

[Sigurður Þórðarson, 20.1.2008 kl. 01:21]

Ég held það Þórdís, maður á alla vega að meta það við fólk þegar það biðst afsökunar. Það gerði hún undanbragðalaust.

[Sigurður Haukur Gíslason, 21.1.2008 kl. 01:23]

Kolbrún baðst afsökunar á að hafa sært félagsmenn í Félagi um foreldrajafnrétti en ekki á fullyrðingum sínum. Það kalla ég ekki undanbragðalausa afsökunarbeiðni eins og nafni minn heldur fram.

Sjá nánar:

http://abyrgirfedur.is/displayer.asp?page=240&Article_ID=837&NWS=NWS&ap=NewsDetail.asp&p=ASP\~Pg240.asp

[Sigurður Haukur Gíslason, 21.1.2008 kl. 01:26]

Ég held að Fullur sé fullur af gríni. Til að bæta við grínið bendi ég honum á að ef konur eigi meiri rétt til barna hafa feður meiri rétt til vinnu og eiga þ.a.l. að ganga fyrir í öll störf.

Ekki held ég að Kolbrún sé sammála því.