Skiljanlegt

Reykvíkingar hafa haft fjóra borgarstjóra á því kjörtímabili sem er að líða, fjóra meirihluta. Allt virðist þó hafa gengið eðlilega fyrir sig í borginni. Grunnskólarnir, leikskólarnir, öll þjónustan sem Reykjavík rekur, hefur þrátt fyrir þetta haldið áfram. Það virðist engu skipta hvaða skipstjóri er í brúnni í Reykjavík. Enda er öflugt og gott embættismannakerfi í Reykjavík. Þetta sjá reykvískir kjósendur og draga sínar ályktanir. Reykvíkingar treysta ekki lengur fjórflokknum. Reykvíkingar virðast tilbúnir til að gefa nýjum og óþekktum flokki tækifæri. Enda bendir reynslan til að þessi nýi flokkur geti varla staðið sig verr í Reykjavík en fjórflokkurinn hefur gert síðustu fjögur árin.

Vissulega spila landsmálin inn í. Sjálfstæðisflokkurinn og Framsóknarflokkurinn eru rúnir trausti og virðist sem illa ætli að ganga fyrir þá að endurheimta það traust. Samfylkingin og Vinstri grænir hafa valdið landsmönnum miklum vonbrigðum. En sá fáránleiki sem borgarfulltrúar leyfðu að gerast í borgarmálunum síðustu fjögur árin er stærsta skýringin á þeirri stöðu sem upp er komin í Reykjavík. Það þýðir ekkert fyrir borgarfulltrúa fjórflokksins að kenna einhverjum öðrum um þetta. Þeim tókst þetta allt saman sjálfum. 

Mikið forskot Besta flokksins

Athugasemdir

[Hafsteinn Árnason (IP-tala skráð) 26.5.2010 kl. 09:43]

Ég myndi nú telja að embættismannakerfið í Reykjavík sé langt frá því að vera fullkomið. Lóðamálið svokallaða hefur sýnt svo rækilega fram á það. Enn eitt fíaskó á ferilskrá meirihlutans. Getur lesið þér til um þetta á www.lodamal.is

[Þórður (IP-tala skráð) 26.5.2010 kl. 12:04]

Heyr heyr Dögg!

[Óskar Arnórsson, 27.5.2010 kl. 21:30]

Góður pistill og ég kýs Jón Gnarr. Líka þegar hann vill verða forsætisráðherra...