Vanhugsað ...

Bloggaranum misbauð og lét það koma fram í skrifum sínum. Hann sýndi fyrirtækinu hins vegar þá tillitssemi að nafngreina það ekki. Með því að reka bloggarann fyrir skrifin er málið hins vegar komið í hámæli og þar með sá tvískinnungur sem þetta fyrirtæki sýnir. Er þessi framvinda mála ekki afleit PR lega séð fyrir þetta fyrirtæki? Einhvern veginn finnst manni það.

Bloggari rekinn fyrir skrif

Ef ...

þetta er raunin af hverju er framsetningu tölulegra upplýsinga um atvinnuleysi ekki breytt? Varla er mikið mál að sundurgreina hópinn þannig að fram komi fjöldi þeirra sem er algerlega án vinnu og svo fjöldi þeirra sem er í skertri vinnu.

Tölur um atvinnulausa ekki raunhæfar

Bæði kynin ...

Það er vissulega fagnaðarefni að ráðherrar eru farnir að átta sig á því að þeir skipa nefndir og ráð og eru því í raun þeir sem stjórna kynjahlutföllum í nefndum, nema í þeim tilvikum þegar utanaðkomandi aðilar tilnefna. Meginreglan hlýtur að vera og á að vera sú að í hverri nefnd sem skipuð er sé sem jafnast hlutfall kynjanna. Það er ekki til fyrirmyndar þegar eingöngu karlmenn eru í nefnd. Með sama hætti er það ekki til fyrirmyndar þegar eingöngu konur eru í nefnd. Rök fyrir jafnræði kynjanna í nefndum hafa verið þau að bæði kynin hafi eitthvað til mála að leggja. 

Konur skipa úrskurðarnefnd fjarskipta- og póstmála

Nýr viðskiptaráðherra ...

í ríkisstjórn sem Siv styður hlýtur að kippa þessu í liðinn. En rétt er að halda til haga að viðskiptaráðherrann sem Siv gagnrýnir svo kröftuglega er úr Samfylkingunni og Samfylkingin er í ríkisstjórninni sem Siv styður.

Telur vanta á svar ráðherrans

Æi ...

Ekki auka alþingismenn virðingu Alþingis með umræðum af þessu tagi.

Mögnuð fráhvarfseinkenni

Ég hélt ...

að þessu hefði átt að breyta þannig að elli- og örorkulífeyrisþegar væru ekki að lenda í þessum hvimleiðu og erfiðu bakreikningum. Það kemur ekki fram hvað það eru margir sem njóta greiðslna frá TR en mér finnst það býsna há tala að 21 þús. manns skuli vera í skuld við TR eftir þetta uppgjör.

Hafi ekkert verið gert til að stoppa þessa bakreikninga þá er hér þarft verk að vinna fyrir nýjan félags- og tryggingaráðherra.

Kröfubilið breitt

Kjósendur á fleygiferð

Tvennt vekur mesta athygli í þessari könnun. Annars vegar stór hluti óákveðinna. Hins vegar hvað miklar breytingar eru á stuðningi við flokkana. Þrír flokkar eru nú orðnir álíka stórir. Ný ríkisstjórn nýtur naums meirihlutastuðnings við upphaf starfstíma síns. Stjórnmálin sýnast ætla að bjóða upp á spennandi tíma framundan.

Sjálfstæðisflokkur stærstur

Að læra af ...

Það er athyglisvert að sjá hvernig Obama viðurkennir mistökin, gengst við ábyrgð á þeim og segist ætla að læra af þeim. Er það ekki svona sem á að taka á mistökum? Segir ekki einhvers staðar: Errare humanum est.

Obama: Ég klúðraði þessu

Skoða á næstu dögum og vikum ...

Það er spurning hvort nýr heilbrigðisráðherra átti sig á að hann hefur ekki nema u.þ.b. 10 vikur í embætti. En hann er kannski svona viss um að hann verði í þessu sama ráðherraembætti eftir kosningar. En kannski ætlar hann ekki að gera mikið á þeim stutta tíma sem ríkisstjórnin starfar, enda ekki orð um þau í verkefnaskránni, ef ég man rétt. Niðurskurðurinn sem gera þarf í heilbrigðismálum er risavaxinn og skiljanlegt að nýr heilbrigðisráðherra vilji ekki þá ráðast í hann fyrr en að kosningum loknum, lánist honum að halda embættinu.

Komugjöld á spítala, án þess að ég ætli eitthvað sérstaklega að réttlæta þau, eru hins vegar ekki pólitísk. Fyrir þeim voru gefnar skynsamlegar skýringar, m.a. um það að ef þau yrðu ekki sett á þá heldi áfram pressa á að leggja fólk inn í smærri aðgerðir í staðinn fyrir að gera þær án innlagnar. Í öðru tilvikinu er ekki borgað - og breyting nýs heilbrigðisráðherra tryggir að svo verði áfram. Í hinu tilvikinu er borgað.

Viljum við ekki að þjónusta sé veitt eins hagkvæmt og hægt er? Til hvers að leggja fólk inn á sjúkrahús, eingöngu útaf greiðslureglum?

Hvorki valdboð né komugjöld

Einelti?

Yfirlýsingar nýs forsætisráðherra hljóta að vera pólitískar. En að kalla þær einelti er á skjön við það almenna viðhorf sem virðist ríkja gagnvart bankastjórn Seðlabankans. Það er sama hvernig á það er litið þá virðast yfirlýsingar nýs forsætisráðherra um nauðsyn breytinga á bankastjórn Seðlabankans eiga sterkan samhljóm við raddir í þjóðfélaginu, sbr. t.d. frétt á mbl.is í dag um viðhorfskönnun Viðskiptaráðsins. Þar kemur fram að 90% aðspurðra töldu breytingar í Seðlabanka nauðsynlegar. Erlendir miðlar hafa margsinnis bent á það að til að hér tækist að endurbyggja traust eftir bankahrunið þyrfti að skipta um bankastjórn í Seðlabankanum. Fráleitt er því að kalla þessar breytingar einelti. En pólitískar eru þær. 

Viðbót:

Segir þetta ekki allt sem segja þarf?

Yfirlýsingar jaðra við einelti

Ríkisstjórnin sópar ...

Það er ekki hægt að segja annað en að ný ríkisstjórn gangi hratt fram í sumum þeirra breytinga sem boðaðar voru. Það verður fróðlegt að fylgjast með því hvernig bankastjórn Seðlabankans bregst við tilmælum um að víkja áður en skipulagsbreytingar sem gera á, ganga í gildi. Það hefur tæpast farið fram hjá bankastjórn Seðlabankans að hún hefur, með réttu eða röngu, lítilla vinsælda notið og einskis trausts, meðal þjóðarinnar. Ákaft var kallað eftir því, svo vikum skipti, að bankastjórnin axlaði ábyrgð. Ekki sá bankastjórnin ástæðu til að bregðast við því kalli, t.d. með því að hafa frumkvæði að því að víkja. Þvert á móti varð þráseta bankastjórnarinnar meðal þess sem átti hvað stærstan þátt í að fella ríkisstjórn Geirs H. Haarde. Í ljósi þess sem á undan er gengið er engin ástæða til að ætla annað að bankastjórnin geri þjóðinni eins dýrt og mögulegt er að hún víki og nýti sér til hins ýtrasta allan þann rétt sem hún telur sig eiga í því efni.

Viðbót:

Það er oft gott að rifja upp söguna ...

Jóhanna og Davíð ræddu saman

Athyglisverðar ....

hugmyndir hjá forsetafrúnni. Ennþá athyglisverðara hvað báðir viðmælendur virðast lítið átta sig á stjórnskipuninni á Íslandi. Fráfarandi ríkisstjórn var ekki ríkisstjórn forseta Íslands. Miðað við ummæli forsetans, t.d. á vef BBC í síðustu viku, mætti halda að hin nýja væri það - en stjórnskipulega er hún það ekki.

Dorrit: Ísland verði svalari útgáfa af Dubai