Athyglisverðar ....

hugmyndir hjá forsetafrúnni. Ennþá athyglisverðara hvað báðir viðmælendur virðast lítið átta sig á stjórnskipuninni á Íslandi. Fráfarandi ríkisstjórn var ekki ríkisstjórn forseta Íslands. Miðað við ummæli forsetans, t.d. á vef BBC í síðustu viku, mætti halda að hin nýja væri það - en stjórnskipulega er hún það ekki.

Dorrit: Ísland verði svalari útgáfa af Dubai

Athugasemdir

[Kristján Sigurður Kristjánsson, 2.2.2009 kl. 14:52]

Í umboði hvers sat eða situr ríkistjórn Íslands?

[Loftur Altice Þorsteinsson, 2.2.2009 kl. 17:57]

Við Kristján erum líklega báðir á öndverðum meiði við þig Dögg.

Ég tel að Valdið sé forsetans og að ríkisstjórnir sitji í umboði hans. Ráðherrar hafa ekkert Vald (með stóru V) eða vald (með litlu v) án þess að forsetinn veiti þeim það. Segir stjórnarskráin ekki:

15. gr. Forsetinn skipar ráðherra og veitir þeim lausn. Hann ákveður tölu þeirra og skiptir störfum með þeim.

[Valan, 2.2.2009 kl. 19:20]

Já þær eru mjög athyglisverðar og er ég ánægð með forsetafrúnna að vera svona vel með á nótunum í þeirri nýju almennu stjórnskipunarlegu hugsun sem fram er að koma í auknum mæli  í gegnum samtök á borð við nyttlydveldi.is og krefst endurnýjunnar á þessum gömlu tuggum.

Ég held að fólk sætti sig ekki mikið lengur á það hagsmunadrifnar langlokutúlkanir á stjórnarskránni sem að í fyrsta lagi samræmast ekki klassískri frjálshyggju og lýðræðissjónarmiðum auk þess ganga oft þvert á orðanna hljóðan og  sýnast miðast við að skræla allt vald af forsetanum og í hendurnar á framkvæmdavaldinu. Þetta eru viðhorf sem eru að mestu leyti á leið í úreldingu ásamt svo mörgu öðru í vorhreingerningunni á stjórn landsins sem nú er í gangi.

[Jón Snæbjörnsson, 3.2.2009 kl. 08:31]

hún vill nú sennilega vel - bara svo langt í burtu einhvernveginn, hvað er td líkt með Íslandi og Dubai ? viljum við að Ísland verði einhverskonar skattaparadís ? sjálf erum við sem þjóð að leita að þykkum fúlgum fjár erlendis sem okkur er ekki hleypt í

má ég frekar biðja um íslenskt