Hvernig má það vera?

Föstudagur, 25. desember 2009

Hvernig má það vera að enn sé haldið leyndum gögnum sem tengjast Icesave-málinu? Hvernig má það vera að ríkisstjórn, sem hélt af stað í sinn leiðangur með opna stjórnsýslu og gegnsæi að leiðarljósi, skuli bjóða okkur upp á að leynd sé viðhaldið? Hverra hagsmuna er verið að gæta með því að viðhalda þessari leynd? Leyndin virðist ekki mikilvægari en svo að breska lögmannsstofan, sem verið hefur ráðgjafi stjórnvalda um margra mánaða skeið, segist hafa hvatt stjórnvöld til að aflétta leyndinni, en við því hafi ekki orðið.

Þessar upplýsingar kalla á sérstakar skýringar af hálfu stjórnvalda. Það er ólíðandi að enn skuli eitthvað falið sem tengist Icesave-málum. Allt stefnir í að íslenskur almenningur sitji uppi með skuldabagga áratugi fram í tímann vegna Icesave. Er ekki lágmark að íslenskur almenningur fái söguna alla í þessu máli?

	De Reya svarar Steingrími
Ábyrgðarmaður færslu Tilkynna um óviðeigandi tengingu við frétt

Flokkur: Bloggar | Facebook

Athugasemdir

Ég mæli með að reistur verði gjörvilegur gálgi auk gapastokks fyrir framan Stjórnarráði Íslands í frjálsu útboði. Þessi framkvæmd mun kalla á frekari svör og útskýringar.

Jónatan Karlsson, 25.12.2009 kl. 19:47

Hvernig væri að spyrja fjárveitinganefnd. Hefur hún ekki fengið allar upplýsingar sem eiga að liggja fyrir?

- Hins vegar finnst mér að "lögmannsstofa" eigi ekki að leggja fyrir sig að munnhöggvast við álit stjórnvalda eða nokkurra annara á innihaldi skýrslu sem þeir hafa gefið frá sér. "no comment" væri professjónalt svar í þessu skyni. Það að "lögmannstofan" leggst svona lágt að verja sig opinberlega fyrir gagnrýni þá rýrir það frekar en styrkir fagmennsku og ályktunarhæfileika þeirra.

Gísli Ingvarsson, 26.12.2009 kl. 00:28

Er það ekki klassískt Gísli að íslendingar fá oft viðkvæmustu fréttirnar af eigin högum frá útlöndum? Það er nákvæmlega eins stjórnarhættir í Kína og þykir voðalegt hneyksli...líka á Íslandi...íslendingar lifa á "prófessijónal "bullshit" sem fólk er matað með daginn út og daginn inn...alveg með ólíkindum hvað er í gangi þarna...tek undir með Jónatani...