Eggið og hænan

Það er örugglega rétt að það er óhyggilegt að afþakka frekari aðstoð frá AGS. En eins og staðan er núna þá virkar þetta þannig að það sé AGS sem er að setja slíka ofurkosti fyrir frekari aðstoð að að þeim getum við ekki gengið . Erum við að afþakka frekari aðstoð með því að neita að láta AGS handrukka í þágu Breta og Hollendinga? AGS verður að útskýra fyrir okkur hvar þeir standa og hvort þeir ætli sér í raun að aðstoða okkur. Endalausar tafir á láninu, sem er hluti af þeirra aðstoð,  benda til að það séu þeir sem eru að snúa bakinu við okkur en ekki öfugt. 

Óhyggilegt að afþakka aðstoð AGS

Athugasemdir

[Finnur Bárðarson, 4.10.2009 kl. 16:14]

Ég er búinn að hringsnúast í þessu máli, en nú eru að renna á mig tvær grímur

[Björn Heiðdal, 4.10.2009 kl. 16:15]

Ég ætla ekki að borga!

[Björn Heiðdal, 4.10.2009 kl. 16:15]

Borgaðu bara sjálf!

[Vilhjálmur Örn Vilhjálmsson, 4.10.2009 kl. 21:21]

Ertu nokkuð borgunarmaður, Björn? Þú áttir ekki einu sinni einkaþotu, hvað þá snjóþotu.

[Sigurður Ingi Ragnarsson, 4.10.2009 kl. 22:03]

Af allri umræðuni þá held ég að þótt við viljum ekki borga og hvort við getum það eða ekki þá höfum við ekkert val ef við ætlum að taka þátt í alþjóðasamfélagi hef það á tilfininguni að ef við gefum skít (afsakið orðabragið) í Icesave þá verði það dýrar fyrir okkur þegar upp er staðið.

[Jón Ásgeir Bjarnason, 5.10.2009 kl. 09:32]

Það er ekki borin virðing fyrir þeim sem ekki sýna skynsemi og reyna að  bera hönd fyrir höfuð sér.  Ekki í alþjóðlegu samhengi eða öðru.

Það að neita að greiða Icesave snýst einmitt bara um það.  Það er að bera hönd fyrir höfuð sér.  Standa á rétti sínum og bera virðingu fyrir lög og rétti.

Sjálfsvirðing er grundvöllur virðingar.  Líka í alþjóðasamskiptum.

Þessi samningur sem gerður hefur verið er að ganga allt of langt til þess að íslenskur almenningur taki á sig þessar skuldbindingar.  Það er þó alla vega hægt að segja að mjög sanngjarnt tilboð hafi borist til þessara hörðu handrukkara.