Fleiri brýn verkefni bíða ...

Icesave umræðan í sumar hefur verið mikilvæg og skilað því samkomulagi sem fyrir liggur um fyrirvara. Skv. fréttum á að hnykkja enn á fyrirvörum milli 2. og 3. umræðu. En svo þarf að fara að ljúka þessu máli. Fjölmörg brýn úrlausnarefni hafa verið í biðstöðu hjá stjórnvöldum vegna umfjöllunar þingsins á Icesave og vegna EB umræðunnar í sumar. Nú þarf að fara að huga að þessum málum. Stendur þar hæst slæm skuldastaða heimila og fjölskyldna og brýnar aðgerðir sem þar þarf að grípa til. Þau mál þola ekki mikið meiri bið.

Funda um Icesave

Athugasemdir

[Arnar Geir Kárason (IP-tala skráð) 24.8.2009 kl. 21:45]

Þau mál er óþarft að ræða því slíkar aðgerðir væru bara gálgafrestur ef svo fer að ríkið tekur ábyrgð á IceSave.  Samninginum á að hafna og fá úr því skorið hversvegna okkur beri skylda til að borga þetta.

Það er alveg út í hróa hött að ætla að borga þetta þegar við augljóslega getum það ekki fyrir utan það að okkur ber ekki skylda til þess.

[Guðmundur Ásgeirsson, 24.8.2009 kl. 21:46]

Ég er sammála því að skuldastaða heimila og fjölskyldna er það mál sem stendur hæst og þolir enga bið. Hinsvegar hefði núverandi stjórn átt að byrja á því strax í upphafi kjörtímabils. IceSave málið þar á eftir og svo hefði mátt setja ESB á bið á meðan verið er að klára endurreisnarstarfið. Sú forgansgsröðun sem hingað til hefur viðhöfð hefur að mínu og margra annara verið kolröng, og eingöngu til þess fallin að skaða hagsmuni Íslendinga til lengri tíma litið.

[Arnar Geir Kárason (IP-tala skráð) 24.8.2009 kl. 21:50]

Rétt er það Guðmundur maður er hreinlega farin að spurja sig hagsmuna hverra er þessi ríkistjórn að gæta ?

Allavega ekki minna hagsmuna eða 99,9% annara í þjóðinni.

[Guðmundur Ásgeirsson, 24.8.2009 kl. 22:29]

Þá eru það bara þröngu sérhagsmunirnir sem koma til greina.

[Jón Valur Jensson, 24.8.2009 kl. 23:02]

Hefurðu í alvöru trú á fyrirvörunum, Dögg Pálsdóttir? Heldurðu, að Bretarnir ætli að láta helminga það, sem þeir horfðu fram á að fá í sinn hlut eða fá jafnvel ekki nema 20–40% af því? Geta þeir ekki svarað því til eftir á, að þeir hafi ekki einu sinni verið spurðir? Stendur ekki í svavarssamningnum, að ekki megi breyta honum né bæta við hann? Ætlarðu að gera kröfu til þess, að þetta verði EKKI afgreitt án þess að Bretar og Hollendingar skrifi undir skilmálana? Eða myndirðu samþykkja þessa ríkisábyrgð á þingi ÁN slíks samþykkis þeirra? Og heldurðu í alvöru að þeir skrifi upp á?! Hlustaðu þá á andsvör Ragnheiðar Elínar Árnadóttur við ræðu Lilju Mósesdóttur á þingfundi fimmtudaginn var, 20. ágúst, HÉR (kl. 20.24) og HÉR (kl. 20.26) og svör Lilju Mósesdóttur þar á milli (HÉR og HÉR), og segðu okkur svo, hvort þú sért sátt við léttúðuga afstöðu Lilju eða teljir hana vel rökstudda!!!

[Jón Valur Jensson, 24.8.2009 kl. 23:09]

Við EIGUM EKKI AÐ BORGA, við höfum lögin okkar megin í því efni (sjá vefsíðu mína), það er stóra málið, og Icesave-málið er RISASTÓRA málið á þessu þingi, stærra en öll önnur fjárhagsmál þar í allri Íslandssögunni, og það sem afgreiða verður VEL, ekki illa.

Ef þú ætlar að styðja ríkisábyrgðina, jafnvel án þess meginfyrirvara, sem einhverjir vilja bæta við núna, að Bretar og Hollendingar verði að samþykkja og skrifa undir ALLAN fyrirvarapakkann, þá skaltu í sambandi við þingmennsku í framtíðinni gera það, sem Englendingar kalla: abandon all hope, því að Icesave-sinnum í Sjálfstæðisflokknum verður ekki treyst til þingmennsku áfram í komandi kosningum.

[Gísli Baldvinsson (IP-tala skráð) 24.8.2009 kl. 23:33]

Jón Valur óvenju styggur í kveld. Sammála þér Dögg.