Bankarnir?

Á það að velta á því við hvaða banka skuldarar skipta hvaða afgreiðslu mál þeirra fá? Það hljómar ekki vel. Eðlilegra sýnist, m.a. í ljósi þess að bankarnir eru nú meira og minna í eigu ríkisins, að stjórnvöld setji reglurnar og bankarnir framkvæmi þær? Hugmynd Sigurðar Guðjónssonar lögmanns, sem hann lýsti í fjölmiðlum bæði í gær og fyrradag, er áhugaverð og hlýtur að vera af þeim toga að skuldarar skoði. Aðgerða er þörf. Ef stjórnvöld fara ekki að gera eitthvað í málum þurfa skuldarar að knýja fram aðgerðir. Þeir hafa margar leiðir til þess. Leið Sigurðar er ein þeirra.

Bankarnir skoða leiðir til að skuldbreyta íbúðalánum

Athugasemdir

[Dísa (IP-tala skráð) 25.8.2009 kl. 13:29]

Mér líst mjög vel á allar þessar hugmyndir sem eru sífellt að koma upp en slegnar af borðinu, eins og t.d hugmynd Sigurðar. Ég er ein af þeim sem get borgað af mínum húsnæðislánum en greiðsluvilji minn fer þverrandi með hverju deginum...tímaspursmál hvenær ég tek kæruleysið á þetta og hætti þessu bara enda komin í mínus þrátt fyrir að hafa tekið 75% lán.

En mér finnst allar þessar hugmyndir snúa yfirleitt að viðskiptavinum bankanna þriggja, en við erum hér hópur í þjóðfélaginu sem urðum fyrir sömu áföllum en versluðum við ÍLS. Eru þessi ráð að ná yfir þennan hóp líka, ætti maður að hlusta á Sigurð ef maður er hjá ÍLS...meina að taka þetta til greina? Eða er maður lagalega séð í einhverri verri stöðu hjá ÍLS?

Ef svo er að ég er í verri stöðu hjá ÍLS, þá verð ég að segja að greiðsluvilji minn fer ENN ÞVERRANDI. Þá gef ég algjörlega fingurinn í þetta batterí.