Áfallahjálp?

Er ekki lífið samsett af hæðum og lægðum, gleði og vonbrigðum? Það er hluti af þroskaferli hvers einstaklings að takast á við vonbrigði líkt og það er hluti af sama ferli að læra að höndla velgengni. 

Skilgreiningin á áfallahjálp er: Skammvinn, fyrirbyggjandi íhlutun sem veitt er þeim sem orðið hafa fyrir hættu sem ógnar lífi eða limum og þeim sem verða vitni að ofbeldi, líkamsáverkum eða dauða (sjá greinMargrétar Blöndal hjúkrunarfræðings um Áföll, áfallastreitu, áfallahjálp, sorg og sorgarstuðning). Það er því ótrúlegt að láta sér detta í hug að segja að nemendur sem komast ekki í þann framhaldsskóla sem þeir settu nr. 1 þurfi áfallahjálp.

Foreldrar bálreiðir

Athugasemdir

[Anna Dóra Gunnarsdóttir, 23.6.2009 kl. 19:57]

Fyrir svo utan að þessi tiltekna stúlka, sem sannanlega hafði nógu háar einkunnir, er hluti af heild sem taka þarf mið af.  Margir góðir nemendur fá höfnun, en það er vafalítið vegna þess að umsóknir eru fleiri en lausu plássin.  Þá verður sá hluti umsækjenda eðli málsins samkvæmt að taka því.  Trúlega er í slíkum tilvikum tekið við nemendum eftir röð umsókna.  En svona er lífið með sína sigra og ósigra, þó ekki sé hægt að tala um ósigur í dæmi stelpunnar, hún fékk inni í menntaskóla.  Það er mjög gott og jákvætt og hún ætti að vera í skýjunum yfir því.