Hvað er ekki verið að segja okkur?

Ég er sammála hverju orði sem Eiríkur Bergmann Einarsson segir. Ríkisstjórnin hefur ekki útskýrt fyrir okkur af hverju það þurfti að semja. Ríkisstjórnin hefur ekki útskýrt fyrir okkur af hverju það þurfti að semja nánast í skjóli nætur. Það var skrifað undir um miðnætti aðfararnótt laugardags.

Fjármálaráðherra hefur ekki með trúverðugum hætti útskýrt fyrir okkur hvað hafi breyst frá því í haust þegar hann var í stjórnarandstöðu og taldi þá fráleitt að semja um Icesaveskuldir. Það eru engin rök að segja að þetta séu miklu betri samningar en þá hafi verið í boði. Gæði samningsins getur varla verið málið. Þurfti að gera hann er spurningin?

Við bíðum eftir skýringum frá ríkisstjórninni.

Óskiljanleg ákvörðun stjórnvalda

Athugasemdir

[Þórður G. Sigfriðsson (IP-tala skráð) 7.6.2009 kl. 15:38]

Sælar Dögg

Miðað við framgöngu stjórnarinnar hingað til þá held ég að það sé á hreinu að þær skýringar munu ekki koma.

Með hverjum deginum sem líður þá eykst svartsýni mín varðandi framtíð Íslands og þó erfitt sé að hugsa til þess, þá sýnist mér að nú sé komið að því að hver og einn verði að bjarga sjálfum sér og  fjölskyldu sinni og kveðja landið.

Þegar stjórnvöld virðast hafa það að sínu eina markmiði að komast í ESB, sama hvað það kosti þá eru ekki margir kostir eftir.

Ef að þessi samningur verður samþykktur á þingi þá er Ísland búið að vera. Þá er ekkert annað hægt að gera en biðja síðasta mann um að slökkva ljósin.