Hreinsunardagur

Væri kannski ráð að efna til hreinsunardags í dönskum skólum þar sem kennarar og foreldrar taka höndum saman og hreinsa skólana almennilega? Það mætti meira að segja hafa nemendurna með í verkið. Stundum má nú bara drífa sjálfur í hlutunum í staðinn fyrir að tala um vandamálið og ætlast til að aðrir leysi það. Eða hvað?

Skítur í dönskum skólum

Athugasemdir

[Sigurður Haukur Gíslason, 23.5.2009 kl. 11:22]

Og svo látum við gamla fólkið þrífa elliheimilin (áratuga reynsla í þessu gamla fólki) og strætófarþegana þrífa vagnana.......

[Sóldís Fjóla Karlsdóttir, 23.5.2009 kl. 11:29]

Af hverju borðar fólk ekki kökur?????

Kannski getur lögmaðurinn svarað því.

[Thor Svensson (IP-tala skráð) 23.5.2009 kl. 11:41]

Ekki slæm hugmynd. En fyrir þetta borga danir reyndar skatta. Gleymið þó ekki að hér er að verki Dönsk þjóðfélagskrítik að afli sem við eigum ekki að venjast. Svona mál eru tekin fyrir í hverri viku og virka sem aðhald í öllu þjóðfélaginu. Í Danmörku eru nefnilega virkir fjölmiðlar sem taka þjóðfélags og upplýsingaskyldu sína mjög alvarlega. Þegar við íslendingar heyrum svona fréttir höldum við að allt sé í tómu tjóni hjá dönum. það er ekki tilfellið.

[Dögg Pálsdóttir, 23.5.2009 kl. 14:34]

Þú greinilega veist ekki Sigurður Haukur að fyrir fullorðið fólk er virkni það besta. Að sitja og bíða eftir því að tíminn líði er slæmt fyrir alla, ekki síst þá sem komnir eru á eldri ár. En það er merkilegt hvað sumir hafa gaman af útúrsnúningum. Gott að fólk getur skemmt sér við eitthvað, a.m.k. þeir sem ekki getað borðað kökur. Tel þó að tilvísunin í ummælin um kökurnar úr frönsku byltingunni eigi illa við um það sem ég var að skrifa.

[Sigurður Haukur Gíslason, 23.5.2009 kl. 14:48]

Útúrsnúningur segirðu. Af hverju eiga kennarar að þrífa kennslustofur? Eiga þá ekki læknar að þrífa sjúkrastofur?

Það er mín skoðun að allir eiga að vinna sín verk hvort sem það er við ræstingar, kennslu eða lækningar. Ef menn sinna ekki sínu starfi er það ekki lausn að einhver í öðru starfi gangi bara í verkin.

[herdís (IP-tala skráð) 23.5.2009 kl. 15:07]

það er nú einmitt verið að benda á það þarna að það ERU allir að vinna vinnuna sína, það eru bara staðir í skólunum þar sem enginn fær borgað fyrir að þrífa , það er yfirleitt þannig að það á ekki að þurfa að færa til hluti og tæma hillur í allmennum þrifum , og hver á þá að gera það?? jú auðvita ræstingarfólkið því það er á lægstu laununum og allt í lagi að troða á þeim og þeirra réttindum, er það ekki það sem þú ert að meina Sigurður Haukur Gíslason?

[Sigurður Haukur Gíslason, 23.5.2009 kl. 16:11]

Nei Herdís, ég er ekki að meina það að troða á einum né neinum. Bara benda á það að ef skólarnir eru illa þrifnir þá er það ekki lausn að fá kennarana til að þrífa þá. Ekki frekar en læknar þrífi sjúkrastofur né flugstjórar flugvélar.

[Maron Bergmann (IP-tala skráð) 23.5.2009 kl. 16:44]

Þarna skýtur upp kollinum sama vandamál og allstaðar annarstaðar þar sem allt skal boðið út og ódýrasta tilboðinu tekið hvað sem tautar og raular.  Þegar svo verkkaupi fær það sem hann borgar fyrir, sem í mörgum tilfellum er bæði lítið og lélegt verða allir steinhissa.