Skýr afstaða

Af þessari könnun má ráða að afstaða kjósenda sé skýr til aðildarviðræðna. Áhugavert hefði verið að fá samanburð við fyrri kannanir því um þetta hefur verið spurt áður. Skyldi mikil umræða síðustu dægra eitthvað hafa aukið stuðning við viðræðurnar? Það er jafnframt merkilegt að meirihluti kjósenda allra flokka annarra en Sjálfstæðisflokksins skuli hlynntur aðildarviðræðum. Fyrirfram hefði mátt vænta þess að meirihluti kjósenda VG væri einnig andvígur þeim. Það hlýtur að vera umhugsunarefni fyrir forystu VG.

Áhugavert hefði verið að spyrja hvort þeir sem aðildarviðræður vilja telji þjóðaratkvæði um aðildarviðræður nauðsynlegt.

Vegna athugasemda sem fram hafa komið við blogg mín vil ég taka fram að sjálf er ég eindregið fylgjandi viðræðum án undanfarandi þjóðaratkvæðagreiðslu.

61,2% vilja aðildarviðræður

Athugasemdir

[BB (IP-tala skráð) 7.5.2009 kl. 08:55]

Já, vonandi höfum við gæfu til þess að fara aðildarviðræður sem fyrst, og vonandi sendum við til þess hæfa menn og konur en ekki afdankaða pólitíkusa!

Spurningin er hvort Alþingi getur stillt sig um að argaþrasast um málið í margar vikur?

Áhugavert hefði verið að sjá afstöðu kjósenda Sjálfstæðisflokksins ef landsfundur hefði stutt aðildarviðræður....

[S.H. (IP-tala skráð) 7.5.2009 kl. 10:00]

Já, mikið umhugsunarefni fyrir forystu VG.  Ég veit um þó nokkra grjótharða VG sem kusu Sam. vegna u-beygju Steingr. í málinu 2 dögum eða svo fyrir kosningar.  Veit líka um marga sem kusu VG í trausti þess að látið yrði reyna á að.viðræður, án forkosningar, enda er það ekki að láta reyna á viðræður.

Þjóðin er skv. þessari könnun rétt um 50/50 hlynnt/móti aðildinni sjálfri.  Mér sýnist að eftir því sem málið verður upplýstara og fólk sér að óttaáróðurinn er ekki rétt mynd af málinu, þá muni þessi stuðningur aukast enn frekar þegar nær dregur.  Auðvitað að því gefnu að endanlegur samningur verði skynsamlegur, eins og gildir um alla samninga.  Það kemur líka fram í þessari könnun að stuðningur við aðild eykst eftir því sem fólk er upplýstara (meiri menntun).

Ég hefði mjög gjarnan viljað sjá aldursskiptingu líka með þessum tölum.  Það hefði sagt mikið og mér finnst það skipta miklu máli.

[Kolbrún (IP-tala skráð) 7.5.2009 kl. 12:29]

Ég kaus VG og svaraði könnunninni. Ég segi mig hlynnta aðildaviðræðum í krafti þeirrar sannfæringar að það verð loks til þess að ESB málinu verður sópað út af stjórnarborðinu í nefnd og tilvonandi ríkisstjórn taki á málum sem skipta öllu í dag, þ.e. heimilum og fyrirtækjum í landinu. Tala nú ekki um IMF sem nánast engin umræða er um. Ég vil vita skilyrðin og hvað ríkisstjórnin ætlast fyrir gagnvart IMF. Ég vil að fjölmiðlar reki ítarlega sögu IMF og samskipti þeirra við þau lönd sem þangað hafa leitað. Ég skil ekki áhugaleysi íslendinga á þeim sem raunverulega halda utan um stjórnartaumana hér.