Hvernig má þetta vera?

Þessi uppákoma með orðuveitingu til sendiherra Bandaríkjanna er vandræðaleg svo ekki sé meira sagt. Það er hins vegar áleitin spurning af hverju forseti Íslands bjargaði ekki málunum með þeim hætti sem honum er heimilt. Um fálkaorðuna gildir sérstakt forsetabréfnr. 145/2005. Þar kemur fram í 4. gr.:

Orðunefndin gerir tillögur til stórmeistarans um veitingu orðunnar.

Stórmeistari getur, er honum þykir hlýða, veitt orðuna án tillagna orðunefndar.

Þegar íslenskur ríkisborgari er sæmdur orðunni skal ávallt skýra opinberlega frá því hverjir sérstakir verðleikar hafa gert hann verðan sæmdarinnar.

Eftir að þessi leiði misskilningur milli forsetaritara og orðuritara (sem ég hélt að væri einn og sami maðurinn) kom upp hefði forseta Íslands verið í lófa lagið að bjarga málum og þar með sínu andliti og um leið andliti íslensku þjóðarinnar. Forseti Íslands hefur vald til að veita fálkaorðuna án tillagna orðunefndar. En nei, forseta Íslands virðist vera svo í nöp við að veita bandaríska sendiherranum fálkaorðuna að hann kaus frekar að látið málið verða jafn klúðurslegt og raun ber vitni og móðga í leiðinni Bandaríkin.

Svikin um Fálkaorðuna

Athugasemdir

[Egill Þorfinnsson (IP-tala skráð) 1.5.2009 kl. 10:54]

Enda er Ólafur Ragnar atvinnufífl og HRÆSNARI sem vaxandi fjöldi landsmanna hefur tekið eftir.

[ThoR-E, 1.5.2009 kl. 18:30]

Þetta er ekki í fyrsta skipti sem hann verður sjálfum sér, embættinu og landinu til skammar.

Ég er kominn á þá skoðun að leggja ætti þetta tilgangslausa embætti niður. 

Bara símareikningurinn hjá manninum eru einhverjar milljónir. Hann gerir ekkert annað en að verða okkur að athlægi um allan heim ... og við, skattborgarar þurfum að borga fyrir þetta batterí tugi milljóna á ári.

Leggja þetta niður held ég, höfum ekki efni á svona hégóma.

[Valsól (IP-tala skráð) 1.5.2009 kl. 19:31]

Er ekki löngu komin tími til að hætta að skríða fyrir Bandaríkjamönnum? Nem þið í Sjálfstæðisflokknum viljið að við höldum þeim leik áfram. Manstu þegar Davíð sat við hlið Bush forseta, mikið var það ógeðfelt og ekki landinu til sóma að íslenskur forsætisráðherra væri eins og hundur við lappirnar á Bush forseta. Það var virkilega aumkunarverð sjón og ég hef aldrei skammast mín eins mikið og þá fyrir að vera Íslendingur.

[ThoR-E, 1.5.2009 kl. 20:24]

Það má vera Valsól.

En það skiptir engu máli hvaða land það hefði verið sem hefði þurft að þola svona framkomu. Vera að mæta til forsetans til að taka við orðu .. en fá síðan símtal í heimreiðinni á bessastöðum og sagt að sendiherran fengi enga orðu en má samt kíkja í kaffi.

Og hegðun forsetans var nú ekki mikið skárri .. að segja við sendiherra vinaþjóðar okkar að orðan sé bara veitt þeim sem eru hennar verðir. Skrítið að hann sparkaði ekki í hana á leiðinni út... eða hleypti loftinu úr dekkjunu á bílnum ...

En svona án gríns.. að þá ætti maðurinn að skammast sín. Hann hefur orðið landinu til skammar.

[Jón S. Nóason (IP-tala skráð) 2.5.2009 kl. 03:44]

Orðið hálfviti öðlast alltaf dýpri og sannari merkingu þegar Valsól byrjar. Þvílíkur sori sem grasserar í heila þessa kvikindis...

Ótrúlegt.

[Balzac (IP-tala skráð) 2.5.2009 kl. 07:54]

Hann móðgaði sendiherrann og hann móðgar mig líka.

Þessi bölvuð ókurteisi og dólgsháttur var framinn í mínu nafni.   

[Auðun Gíslason, 2.5.2009 kl. 09:06]

Hversvegna hefði átt að sæma þessa sendiherradulu orðu?  Hefur hún gert landinu og íbúum þess eitthvert gagn eða framið einhver afrek landi og þjóð til gagns?  Ekki svo vitað sé!  Nei, hlaupatíkur idiotsins Bush á ekki að heiðra á einn eða annan hátt!

Er þessi umrædda persóna kannski ein frægra vinkvenna Doritar?  Ekki verðskuldar hún nú orðu fyrir það!