Kom að því ...

Allt er þetta spurning um að þeir sem í stjórnir skipa séu meðvitaðir um mikilvægi þess að hlutur kynjanna sé sem jafnastur. SA eru greinilega búin að átta sig á því að þau hafa þetta algerlega í hendi sér. Með þeim ánægjulegu afleiðingum að konur eru nú réttur helmingur fulltrúa SA í stjórnum lífeyrissjóða. Þetta hlýtur að hafa í för með sér að kynjahlutfall í stjórnum lífeyrissjóða jafnast verulega. Verkalýðshreyfingin hlýtur að vera búin fyrir löngu að tryggja að hún tilnefni jafnt konur og karla sem sína fulltrúa í þessum stjórnum. Eða hvað?

Konum fjölgar í stjórnum lífeyrissjóða

Athugasemdir

[Kolla (IP-tala skráð) 21.4.2009 kl. 23:09]

Mér finnst kynjakvóti ekki vera spurningin þessa stundina, heldur spillingarkvótinn.

[Sigurður Þórðarson, 22.4.2009 kl. 05:26]

Þetta er jákvæð þróun. Verkalýðshreyfingin mætti taka sig á einkum þar sem konur eru stór hluti félagsmanna t.d. VR. Mörg stéttarfélög eru þess eðlis að félagsmenn eru eingöngu af öðru kyninu en það ætti þó ekki að ætlast til af þeim frekar en öðrum félögum að þau leiti út fyrir raðir félagsmanna sinna að fulltrúum.