Gleðilega páska

Páskarnir eru aðalhátíð okkar kristinna manna. Við fögnum upprisunni, kjarna kristinnar trúar. Páskasálmurinn ,,Dauðinn dó, en lífið lifir, lífs og friðar sólin skær" hljómaði fallega í morgun í páskamessunni í Dómkirkjunni. Þar var einnig frumfluttur látlaus en innihaldsríkur páskasálmur eftir sænska skáldkonu, Ylvu Eggerhorn, sem dr. Sigurbjörn Einarsson biskup þýddi skömmu fyrir andlát sitt. Þessi sálmur á örugglega eftir að festa sig í sessi meðal páskasálma okkar.

Biskup sagði m.a. í predikun sinni (sem lesa má í heild hér):

Okkur hefur verið kennt að efast í nafni þekkingar, skynsemi og vísinda okkar tíma um flest það sem lýtur að vitnisburði guðspjalla og kristni. Bara að við hefðum verið efagjarnari andspænis ýmsum þeim kreddum sem haldið var að okkur í efnahags og fjármálum undanfarinna ára! Nei, þar var gagnrýnislaus trúgirnin og sefjunin knúin áfram af afli og glysi auglýsinganna.

Mikill sannleikur í þessum orðum.

Nýr páskasálmur frumfluttur

Athugasemdir

[Sigurður Þór Guðjónsson, 12.4.2009 kl. 16:13]

Er gagnrýnislaus trúgirnin og sefjunin eitthvað verri þegar hún beinist gegn fjármálum en þegar hún beinist gegn trúarlegum kreddum? dum. Með orðum sínum er biskup að tala gegn gagnrýnislaustri trúgirni sem hlýtur þá líka að mega beinast gegn trú ef ástæða er til. Og það er ekki neitt ámælsiveert við það að vera vantrúaður á það að rotnandi líkami riísi upp frá dauðum.