Að hafast ekkert að ...

Þetta mun vera minnisblaðið sem lesið var upp fyrir forsætisráðherra og utanríkisráðherra í mars 2008. Aðvörunin er skýr: ,,Hættulegt er að hafast ekkert að ..." en af fréttinni verður ekki ráðið hvort minnisblaðið geymi tillögur um hvernig við skuli bregðast. Forsætisráðherra og utanríkisráðherra á þessum tíma hafa bæði sagt að engar tillögur hafi komið frá SÍ sem ekki var farið eftir.

Athyglisvert er að fulltrúar SÍ virðast ekki hafa deilt áhyggjum erlendu matsfyrirtækjanna varðandi Icesave reikninga Landsbankans. Og áhyggjur útlendinganna virðast engin aðvörunarljós hafa kveikt hjá SÍ. Þess í stað vörðu þeir Icesae en töldu þó ólíklegt að sú vörn hefði dregið úr áhyggjum útlendinganna.

Af minnisblaðinu verður ekki annað ráðið en að SÍ hafi haft áhyggjur af íslenska bankakerfinu, varaði ríkisstjórnina, eða a.m.k. hluta hennar við, án þess að leggja fram tillögur fram um viðbrögð. Ríkisstjórnin virðist hafa látið aðvörunina sem vind um eyru þjóta. SÍ var varaður við Icesave reikningum Landsbankans, varði þá og lét aðvörunina sem vind um eyru þjóta.

Eftir stendur að svara: Af hverju var ekkert hafst að?

SÍ: Stefnt í ógöngur

Athugasemdir

[Villi Asgeirsson, 24.3.2009 kl. 07:56]

Ekki nóg með að ekkert hafi veri gert, heldur var opnun Icesave í Hollandu gefið grænt ljós um sumarið, mánuðum eftir þetta minnisblað. Þá hefði átt að vera ljóst að allt stefndi í hrun, en FME fannst ekkert athugavert við að bæta á vandann.

Ég skil enn ekki af hverju viðskiptaráðherra var ekki látinn vita af neinu. Gleymdist það eða var hann ekki í pólitískri sátt? Hvort sem á við, er það á hreinu að þetta fólk var ekki starfi sínu vaxið og skildi ekki alvöru málsina.

[Fair Play (IP-tala skráð) 24.3.2009 kl. 09:25]

Shouldn.t we be thanking Gordon Brown instead of making a fool of ourselves and trying to Sue him for stopping a bunch of Gangsters from stealing even more money...??????