Hætt að koma á óvart

Fréttir um lánveitingar Kaupþings síðustu dagana og vikurnar fyrir hrun eru hættar að koma á óvart. Það var gott að sjá í viðtali við formann rannsóknarnefndarinnar sem birtist á mbl.is í morgun að rannsóknarnefndin ætlar að skoða þessi mál. Það var líka gott að sjá að rannsóknarnefndin ætlar að skoða ferlið í aðdraganda einkavæðingar bankanna 2002. Svo hlýtur þetta og fleiri mál af sama tagi að verða meðal þess fyrsta sem sérstakur saksóknari lætur til sín taka.

Milljarðalán skömmu fyrir hrun

Athugasemdir

[Gullvagninn (IP-tala skráð) 28.1.2009 kl. 09:38]

Sérstakur saksóknari á ekki eftir að hanka marga, það eru bara kjánar sem fara ekki að lögum, þegar þeir geta bara aðlagað lögin að siðferði sínu.

[Tómas Þráinsson, 28.1.2009 kl. 09:42]

Vandamálið liggur ekki í því að þessir refir hafi brotið lög á nokkurn hátt. Vandamálið er fyrst og fremst það að lögin voru ekki í stakk búin til að taka á því að kerfið fengi að vaxa svona hratt. Íslensk stjórnvöld voru steinsofandi í öllu þessu brambolti og virtust ekki skilja hver hættan væri þegar einkavæðingin fór af stað. Það er náttulega auðvelt að sitja heima og benda á þegar skipið er strand, en ég spyr mig af hverju enginn á ríkisstjórnarheimilinu fékk fiðring í magann þegar allt fór í gang á sínum tíma.

[Hallgrímur Óskarsson (IP-tala skráð) 28.1.2009 kl. 12:50]

Ertu ekki enn hætt að gagnrýna lánveitingar annarra?? Hvað með lánið sem  þú fékkst til að kaupa bréfin í SPRON? Voru það ekki jafn heimskuleg lán og hver önnur..

Hvernig er það annars, áttu bréfin ennþá eða hvernig er staðan á þessu?