Meðferð Samfylkingarinnar á varaformanni sínum ...

hefur um langt skeið vakið mikla athygli. Fram hjá honum hefur verið gengið með niðurlægjandi hætti aftur og aftur. Varaformaðurinn hefur sjálfsagt skynjað að við myndun nýrrar stjórnar yrði hann enn einu sinni hundsaður. Ég skil það vel að hann skuli gefast upp á þeim tætlum sem Samfylkingin er. Honum fylgja góðar óskir í hverju því sem hann tekur sér fyrir hendur. Það er örugglega ágætt líf og jafnvel betra líf eftir líf í pólitík. 

Ágúst Ólafur hættir

Athugasemdir

[Friðrik Hansen Guðmundsson, 27.1.2009 kl. 23:11]

Sæl Dögg.

Sammála þér. Það hefur verið mjög sérstætt að sjá hvernig þingflokkurinn hefur sniðgengið niðurstöðu Landsfundar Samfylkingarinnar. Ef ég man rétt var Ágúst Ólafur kosinn eftir harðan slag við Lúðvík Bergvinsson um varaformannsembættið.

Það er mjög sérstætt að löglega kjörinn varaformaður skuli sniðgengin með þessum hætti. Ef Ingibjörg hefði af heilsufarsástæðum ekki geta komið til starfa um lengri eða skemmri tíma þá hefði Ágúst Ólafur tekið við sem formaður.

Er það svo að formaður hefur meira vald en Landsfundur og getur ákveðið að setja einhvern annan en varaformanninn til að taka við af sér þegar hún forfallast?

Þetta hefur verið mjög einkennilegt allt saman. Formaðurinn hunsar í raun niðurstöðu kosningar á Landsfundi.