Stjórnarslit staðreynd ...

Það er augljóst að Samfylkingin vildi slíta stjórninni. Að setja fram kröfu sem fyrirfram er augljóst að Sjálfstæðisflokkurinn gat ekki gengið að er skýrasta vitnisburðurinn um það. Málið snerist greinilega ekki um persónu forsætisráðherra því hann skýrir frá því að hann hafi boðið að stíga til hliðar þannig að varaformaður Sjálfstæðisflokkurinn tæki við sem forsætisráðherra. Það er líka hárrétt hjá forsætisráðherra að Samfylkingin er flokkur í tætlum. Það er búið að sjást síðustu viku. Spurningin er hversu stjórntæk Samfylkingin er? Það er kannski umhugsunarefni fyrir hverja þá sem íhuga að fara í stjórnarsamstarf með þeim flokki. Réttilega er utanríkisráðherra límið í flokknum, rétt eins og hún var í R-listanum. Þegar hún er ekki á staðnum fer allt í uppnám. Skyldi Samfylkingin bjóða fram undir einum lista í vor? Ekki alveg víst.

Stjórnarsamstarfi lokið

Athugasemdir

[Sigurður Haukur Gíslason, 26.1.2009 kl. 13:39]

Af hverju er það óásættanlegt að Samfylkingin fengi forsætisráðuneytið?

[Baldvin Jónsson, 26.1.2009 kl. 13:57]

Sigurður, hroki Sjálfstæðismanna lýsir sér einfaldlega svona. Heyra,sjá eða tala ekkert slæmt um flokkinn.

Hugmyndir um þjóðstjórn sem að Geir tekur undir núna að virðist eru síðan enn byggpar á afneitun hjá honum þegar hann talar um að að sjálfsögðu eigi stærsti stjórnmálaflokkur landsins að leiða slíka stjórn. Ég held að hann geri sér enga grein fyrir því að líklega eru Sjálfstæðismenn komnir niður í 4. sætið í dag.

[Jón Snæbjörnsson, 26.1.2009 kl. 14:06]

 er ekki Þorgerður Katrín Gunnarsdóttir úti í kuldanum í dag - sameiningartáknið Kristinn H Gunnarsson - sá hefur farið um víðan völl