Er VG ekki sjálfrátt?

Mér ofbýður hvernig forystumenn VG bregst við tíðindum dagsins. Ég hygg að fleiri en sjálfstæðismönnum sé brugðið við fréttir af alvarlegum veikindum forsætisráðherra. Ég trúi ekki öðru en að öllum landsmönnum sé brugðið. 

Núverandi forysta VG hefur greinilega mestar áhyggjur af því að ef það dragist í örfáa mánuði að kjósa þá verði tími til breytinga á hjá þeim líka og að eftir breytingum á forystu verði kallað. Til þess má núverandi forysta greinilega ekki hugsa. Þeir sjá í hillingum ráðherrastólana eftir kosningar og vilja sjálfir setjist í þá stóla. 

Ögmundur: Lofar ekki góðu að bíða

Athugasemdir

[Torfi Stefán Jónsson (IP-tala skráð) 23.1.2009 kl. 14:33]

Þetta finnst mér aum útskýring hjá þér. Auðvitað má alltaf efast um gildi þess að kjósa strax en það má líka efast um það að tveir leiðtogar (stjórnendur) ríkisstjórnarinnar eru farnir frá vegna veikinda. Báðir stjórnarflokkarnir eru stjórnlausir vegna þessarar leiðtogakreppu og þar með er landið svo til í frjálsri siglingu. Sé ekkert heilagt við 9. maí.

 Annars vonast ég til þess að Geir Haarde jafni sig sem fyrst. Gagnrýni á hann hefur oft verið óvægin og á tíðum mjög ósanngjörn.

[Pétur Örn Þórarinsson (IP-tala skráð) 23.1.2009 kl. 14:36]

Dögg Pálsdóttir, þetta er nú meiri lágkúran hjá þér að ætla að nýta þér þessi skelfilegu veikindum Geirs sem pólitískt vopn á móti Ögmundi. Ég treysti því að lesendur af þessum pistli þínum sjái þetta líka svo meiri úskýringar er varla þörf.

Þetta þykir mér seinasta sort.

 Pétur

[Benedikt Bjarnason, 23.1.2009 kl. 14:42]

Þeir eru dálítið broslegir Ögmundur og félagar. Minna mig stundum á óþekkt barn sem kemur inní búð og heimtar nammi. Barnið grenjar úr sé augun og skilur ekkert í því að það fái ekki nammi.

Trúlega fá VG  nammi í næstu kosningum en ætli það verði ekki bara bland í poka. Einkennileg samsetning. En hungrið í ráðherrastólana er ofboðslegt.

[Kolbrún Valvesdóttir (IP-tala skráð) 23.1.2009 kl. 14:44]

Tek undir með Pétri. Þetta er ljóta lágkúran.

[Hlédís, 23.1.2009 kl. 15:40]

Kosningabaráttan bara byrjuð strax ;)  Það er víst bara eðlilegt - og ekki skal ég gera mér upp hneykslun.  Þykir gott að "tilheyra" engum flokki!

Kveðja!

[Þráinn Lárusson (IP-tala skráð) 23.1.2009 kl. 15:45]

Það sem forusta VG er ekki búin að átta sig á er að grasrótin mun ekki fara í kosningu með þau í brúnni. Því er VG ekki kosningafær fyrr en í maí rétt eins og aðrir flokkar. Það er eðlilegt að Steingrímur og Co vilji hespa þessu af áður en hinir flokkarnir nái vopnum sínum og að grasrótin í eigin flokki átti sig á þvi að hann, Ömmi Au og Kola þurfi að víkja. Það fólk sem ég hef rætt við hjá VG er á þeirri skoðun að forustan þurfi að víkja.

[Margrét (IP-tala skráð) 23.1.2009 kl. 18:25]

Veit ekki betur en VG sé búin að vera að heimta kosningar strax frá fyrsta degi kreppu.Veikindi Geirs voru ekki komin í ljós t.d. þegar vantrauststillagan var sett fram.