Feðraveldi? Karlaveldi?

Í fréttum kemur fram að neyðarstjórn kvenna hafi "brennt feðraveldinu" í tunnum fyrir utan Alþingishúsið í dag. Hvaða feðraveldi? Meina þær ekki karlaveldi? Hér er ekki feðraveldi gagnvart börnum heldur mæðraveldi. Er nú ekki rétt að nota rétt hugtök í þessu? Og karlaveldinu má alveg brenna - það er alltof sterkt hér á landi.

Vekjaraklukka fyrir stjórnvöld

Athugasemdir

[Thee, 13.12.2008 kl. 19:40]

Stendur ekki feðgaveldi á skiltinu.

[Dögg Pálsdóttir, 13.12.2008 kl. 20:01]

Já, þú meinar? En feðraveldi var orðið sem notað var á báðum sjónvarpsstöðvum.

[Björgvin R. Leifsson, 13.12.2008 kl. 22:05]

Sem þýðir náttúrlega að fréttamennirnir kunna ekki að lesa, hehe.

[Sigurður Haukur Gíslason, 13.12.2008 kl. 23:33]

Rétt Dögg. Réttur feðra til að umgangast og bera ábyrgð á börnum sínum eftir skilnað er nánast enginn hér á landi. Algjört mæðraveldi í þessum málaflokki.

Ef ég hefði verið þarna í dag hefði ég brennt mæðraveldinu í sömu tunnu.

[Héðinn Björnsson, 14.12.2008 kl. 02:48]

Feðgaveldið vísar þá væntanlega til veldis Bónus- og Björgólfsfeðga. Um að gera að hnekkja því veldi þó mér þyki kannski óvarlega farið að brenna það enda veðsett upp fyrir haus hjá bönkum í þjóðareign.

[Thee, 14.12.2008 kl. 03:07]

Héðinn. Ég held það vísi til þeirra sem fara með stjórn ríkismála aðallega. Og líka eitthvað til peningamaskínunnar.