Til hreinnar fyrirmyndar

Stjórn og forstjóri LV eiga sérstakan heiður skilið að ganga svo snögglega til verks og sýna í verki skilning á því sem er að gerast í samfélaginu í launamálum. Sérstaka athygli vekur að forstjóri er lækkaður um 25% í launum -meira en lykilstjórnendur sem lækkaðir eru um 10%. Hér eru greinilega á ferð menn sem hafa eitthvað jarðsamband við grasrótina. Vonandi fylgja fleiri fréttir af þessu tagi á næstunni.

Laun stjórnenda LV lækkuð

Athugasemdir

[Svanur Jóhannesson, 12.12.2008 kl. 17:31]

Mér finnst þetta nú ekki nógu mikil lækkun Dögg. Lykilstjórnendur ættu að hækka um amk um 20%. - 10% lækkun á svona háum launum er hlægileg þegar tekið er tillit til þess hvað margir eru á lágum launum. Í mörgum tilfellum eru þetta sjálftökulaun manna sem eru löngu komnir úr öllum takti við það fólk sem það á að þjóna.

[Guðrún Vestfirðingur (IP-tala skráð) 12.12.2008 kl. 17:40]

maðurinn hefði átt að vera farinn úr stjórn fyrir löngu og hann verður látinn fara í næsta kjöri ekki spurning. Þetta fólk er siðblint

[Magnús Sigurðsson, 12.12.2008 kl. 23:01]

Sæl Dögg, ég er ekki sammála þér um að þarna séu fyrirmyndir.  Hafa verður í huga að okkur er gert það með lögum að láta 12% tekna okkar í hendur þessara manna og öllum klóm hefur verið haldið úti til að ná viðbótarsparnaði með gylliboðum.

Ég fékk bréf frá Íslenska lífeyrissjóðinum í dag, undirritað af stjórnarformanni og framkvæmdastjóra, þar sem tilkynnt er -20,1% rýrnun á mínum lífeyrissjóð.  Ekki fyrirfinnst svo mikið sem vottur afsökunar beðnar í bréfinu.

Árið 2006 lét é flytja mig úr Líf I í Líf IV.  Nn um Líf IV stendur nú á heimasíðu Landbankans "Líf IV hentar þeim einstaklingum sem nálgast töku lífeyris eða eru nú þegar farnir að taka út lífeyri. Lögð er áhersla á trausta og jafna ávöxtun."  Þegar ég kynnti mér þetta 2006 þá var þessi kynningin á þessari leið á heimasíðunni afdráttarlaust sögð 100% örugg, (nánast eins og verðtryggð sparisjóðsbók) ef ég man rétt. 

Í bréfi stjórnendana í dag kemur fram; "Það er til vitnis um ótrúlega atburðarás í íslensku fjármálalífi undanfarið að ávöxtunareiðin Líf IV, sem bar minnstu áhættuna, skuli hafa lækkað mest allra leiða Íslenska lífeyrissjóðsins í kjölfar neyðarlaganna 6. október síðastliðinn."

Þar sem ég sé ekki annað á bréfi stjórnenda sjóðsins en að niðurstaðan nú sé þeim fullkomlega óviðkomandi, langar mig til að spyrja þig sem færan lögfræðing; get ég sem sjóðfélagi lögsótt þessa stjórnendur?