Úr takt við samfélagið?

Það vantar í fréttina rökstuðning kjararáðs fyrir þessari niðurstöðu. Hann verður fróðlegur. En þetta er ekki í fyrsta sinn sem kjararáð kemur á óvart með niðurstöðu sinni. Gott að heyra að ríkisstjórnin ætli að leita annarra lausna.

Viðbót: Nú er fréttin orðin nákvæmari - og kjararáð segist ekki eiga að vera mótandi um kjaraþróun í landinu. Ég skil nú bara ekki þetta kjararáð. Hefur það ekki fylgst með síðustu vikurnar. Fyrirtæki á einkamarkaði eru að lækka laun, draga úr starfshlutfalli, segja upp fólki. Kjaraþróunin er skýrt komin fram. Kjararáð myndi ekkert móta þótt það hefði fallist á tilmæli forsætisráðherra.

Kjararáð getur ekki lækkað launin

Athugasemdir

[Þór Jóhannesson, 2.12.2008 kl. 12:29]

Á Kjararáð sem sagt ekki að fylgja lögum þegar það HENTAR pólitíkinni ykkar? Ertu ekki lögfræðingur? Auðvitað vissi Geir að þeir þurftu að fara að lögum.

[Jón Snæbjörnsson, 2.12.2008 kl. 12:39]

Nú er ég sár og reiður

[Kolvitlaus, 2.12.2008 kl. 12:46]

Daginn frú Dögg

Gleyma menn ekki stundum hverjir bjuggu til lögin og fyrir hverja. Þetta útspil kjararáðs sýnir ósveigjanleika þess lagaramma sem þeir þurfa að vinna eftir. Þeir hefðu átt að tilkynna löggjafavaldinu þetta í trúnaði og fá meira svigrúm til athafna. Vilja stjórnvöld virkilega hleypa öllu í bál og brand hérna á landinu? Þau eru allavegana ekki að slá á reiðiöldurnar með þessu útspili, þvílíkur afleikur.....og segir allt sem segja þarf um getu þeirra stjórnmálamanna sem eiga að gæta hagsmuna þjóðarinnar. Með svona snillinga í viðkvæmum samningaviðræðum fyrir hönd þjóðarinnar skýrist ýmislegt.

[Þór Jóhannesson, 2.12.2008 kl. 13:01]

Það er með þetta PR atriði eins og önnur hjá þessu fólki, það snýst í höndunum á þeim og þjóðin verður reiðari fyrir vikið. Við erum ekki heimskir fávitar - hættið að nálgast okkur sem slíka - við sjáum í gegnum svona bull!

Er ekki bara komið nóg?

[Úlfar (IP-tala skráð) 2.12.2008 kl. 13:18]

Þú ert úr takti við samfélagið, það gilda lög um kjararáð, það að þeir skuli haga sér eins og sjálfstæð stofnun og taka ekki við skipunum frá stjórnvöldum er ekkert annað er ánægjulegt því það þýðir ennfremur að ekki er hægt að skipa þeim að hækka laun þegar einhverjum sýnist svo. Þannig verður að hrósa ákvörðun kjararáðs

Undarlegt að þú hafir ekki áttað þig á þessu sjálf?

[Sveinn Ingi Lýðsson, 2.12.2008 kl. 15:03]

Úrskurður Kjararáðs er ekki alslæmur.  Setti færslu um það hér.