Skrílslæti?

Einhvern veginn virðist eins og hópur atvinnumótmælenda hafi tekið yfir þau mótmæli sem í gangi eru og breytt friðsömum mótmælum í skrílslæti og vitleysu, sem engum er sómi að. Vonandi lætur lögreglan þá sem sletta málningu og eggjum borga kostnaðinn af hreinsun svo skattgreiðendur sitji ekki uppi með þann kostnað.

Réðust inn í Seðlabankann

Athugasemdir

[RagnarA (IP-tala skráð) 1.12.2008 kl. 17:11]

Íslenska fólkið nýtur stuðnings allra þjóða en ekki íslenska ríkisstjórnin.

Það verður ekki tekið mark á okkur fyrr en búið er að skipa frambærilegt og hæft fólk bæði í Seðlabanka og ríkisstjórn.
Þær kröfur sem eru settar fram af nágrannaþjóðum okkar eru í raun að við eigum að breyta um stefnu, og taka upp heilbrigða stjórnarhætti þar sem gætt er hagsmuna almennings.
Spillinguna í stjórnkerfinu þarf að uppræta og endurreisa lýðræðið.

Staðan á Íslandi núna er eins og Hitler hefði haldið áfram að stjórna Þýskalandi eftir stríðið.
Göring og Göbbels eru ennþá ráðherrar.

Þráseta hins vanhæfa og spillta seðlabankastjóra Davíðs Oddssonar veldur þjóðinni ómældu tjóni.

Hver dagur sem líður með þessa hörmung hangandi yfir þjóðinni færir landið nær endanlegri tortímingu.

http://www.visir.is/article/20081201/VIDSKIPTI06/376535713
http://www.bloomberg.com/apps/news?pid=newsarchive&sid=aTtseWM3RQq8
http://eyjan.is/blog/2008/11/18/dosent-vid-hi-ottast-svigrum-sedlabankans-sem-se-thegar-ruinn-trausti-heima-og-heiman/

[Anna (IP-tala skráð) 1.12.2008 kl. 17:17]

Hvað eru nokkrir auka þúsundkallar til þrifa? Er ekki flokkurinn þinn sem er að eggja fólk áfram með aðgerðaleysi og engri upplýsingagjöf? Tökum bara þrifakostnaðinn af AG láninu. Þessi kostnaður er svoddan smáaurar miðað við vaxtakostnaðinn af lánunum sem á að steypa yfir okkur að það er eins og dropi í hafið. 

Anna 

[Heiða B. Heiðars, 1.12.2008 kl. 17:28]

Eyðileggja friðsöm mótmæli??? Skil ekki þessa pælingu. Fólk má bara sýna gremju sína eins og því þóknast. Það er búið að reyna að ná skaðræðisvaldinum út úr Seðlabankanum með góðu.

Hvað viljiði bíða lengi?

Hvað má hann eyðileggja mikið áður en hann hunskast út?

[Illugi Már Jónsson (IP-tala skráð) 1.12.2008 kl. 17:35]

Segðu mér Dögg hverju útifundirnir á Austurvelli hafa skilað?!

Stendur einhversstaðar skrifað hvað eru mótmæli og hvað ekki?

Eða eru þetta kannski bara skrílslæti af því að það er verið að mótmæla Sjálfstæðisflokknum og fyrrverandi einræðisherra hans??

Ertu í þokkabót svo heimsk að láta það frá þér á netinu að þú hafir áhyggjur af því að kostnaður við að hreinsa upp eggjaslettur og málningu lendi á skattgreiðendum, en minnist ekki einu orði á alla þá milljarða sem Íslendingar ungir jafnt sem gamlir sem og ófæddir þurfa að bera á herðum sér um óákveðinn tíma?! Er ekki í lagi með þig?!!

Ég segi bara; illa er komið fyrir landi og þjóð ef fólk eins og þú færð tækifæri til að sitja á Alþingi...

[Þór Jóhannesson, 1.12.2008 kl. 17:51]

Því fleiri sem missa vinnu og húsnæði því fleiri hafa engu að tapa! Ef lög eru ekki réttlát þá þarf að breyta lögunum og hver gerir það frú Dögg? Er það ekki Alþingi?

[Illugi Már Jónsson (IP-tala skráð) 1.12.2008 kl. 18:14]

Eitt í viðbót Dögg; er það í verkahring lögreglunnar að LÁTA "þá sem sletta málningu og eggjum borga kostnaðinn af hreinsun..."?

Þarf það ekki að fara fyrir dómstóla eða hvað?   Ég spyr því ég veit það ekki. 

En þú ert varaþingmaður við löggjafarvaldið, (fyrrverandi reyndar...!) og hlýtur að vita meira um það en ég!

[Helgi Hallgrimsson (IP-tala skráð) 1.12.2008 kl. 18:19]

Ég er viss um að margur hefur kallað múginn sem réðst á frönsku bastilluna árið 1789 fyrir skríl. Í dag eru flestir sammála um að franska byltingin hafi markað upphaf lýðræðis og umbóta í heiminum.

Án þess að ég vilji líkja þessum atburðum beinlínis við það sem er að gerast núna, þá eru ákveðin líkindi.Gjörspillt stjórnkerfi landsins er ekki að virka fyrir fólkið og þess vegna verður að eiga sér stað bylting. En ég hef trú á að okkar bylting geti gerst án blóðsúthellinga, ólíkt þeirri frönsku. Þó þú kallir þetta fólk sem fór inn í seðlabankann skríl, þá er ég viss um sagan muni líta öðrívísi á. Skríllinn er þvert á móti fólkið sem fylgir siðblindingjunum fram af bjarginu í blindni.

[Atvinnumaður (IP-tala skráð) 1.12.2008 kl. 18:56]

dettur þér í hug að það sé tekið mark á þér eða öðru hægri sinnuðu fólki sem er búið að framkvæma það níðingsverk að steypa okkur í þrældóm og fátækt?

þú sýnir allavega hvað þú myndir kjósa ef við fengjum alvöru lýðræði hérna   X-D ekki satt

kommon...það er hlegið að þér og þínum líkum um allar koppagrundir.

[corvus corax, 1.12.2008 kl. 20:58]

Dögg er sama ofríkisfíflið og Davíð Oddsson. Hennar aðferð í lögfræðinni er að haga sinni túlkun í eigin hag svona svipað og skítseiðið Birgir Ármannsson. Og svo kallar þetta hyski sig lögfræðinga! Lögræðingar væri réttara...

[Alexander Kristófer Gústafsson, 1.12.2008 kl. 21:53]

Bahahaha sjallar halda að þetta sé plott af atvinnumótmælundum,

Ég er skríll 

[Þór Jóhannesson, 2.12.2008 kl. 01:25]

Frú Dögg, ég var að spá fyrst löggan ætti að láta þá sem henda eggjum og málningu borga sjálfa svo við skattgreiðendur þurfum þess ekki. Er þá ekki eðlilegt að löggan handtaki þá sem rændu þjóðina ærunni og settu á hausinn og láti þá borga svo við skattgreiðendur þurfum þess ekki.

Ef löggan gerir það þá skal ég hjálpa þér við að elta uppi þá sem slettu málningunni og eggjunum eða jafnvel borga brúsann af því sjálfur.

Díl?

[Sigurður Hrellir, 2.12.2008 kl. 01:36]

Þú hefur áhyggjur af því að skattgreiðendur sitji upp með kostnað af hreinsun í Seðlabankanum. Ég og margir aðrir höfum áhyggjur af mjög miklum kostnaði við að hreinsa EKKI til í Seðlabankanum.

Og hvaða "atvinnumótmælendur" voru þarna á ferð? Eru það þá ekki atvinnufjárglæframenn sem tapa hundruðum milljóna á arfaslökum hlutabréfakaupum fyrir lánsfé? Þurftir þú kannski ekkert að borga lánið?