Kynjaskipting

Það er sérlega ánægjulegt að af 15 bankaráðsmönnum eru sjö konur og 8 karlar. Kom að því að stefnuyfirlýsingum er hrundið í framkvæmd. Hefði að vísu kosið að sjá 2-3 konur í hverju bankaráði en ekki svona skrítna skiptingu, eina í bankaráði Glitnis, tvær í bankaráði Landsbankans og fjórar í bankaráði Kaupþings og sjálfsagt er einhver skynsamleg skýring á þessu. En þetta er jákvætt skref. Ekki er heldur annað séð en að vel hafi verið vandað til vals í bankaráðin og þar séu einstaklingar með yfirgripsmikla reynslu og þekkingu. Jafnframt sýnist það skynsamlegt að í ráðin hafi verið valið í samráði við stjórnarandstöðuna.

Ný bankaráð skipuð

Athugasemdir

[Oddgeir Einarsson, 7.11.2008 kl. 17:03]

Mér finnst breytilegt hlutfall kynja eftir bönkum mjög jákvætt þar sem þetta hefur þá þann blæ að verið sé að raða eftir því hvað hentar best hverjum banka en ekki kynferði.

[Landfari, 7.11.2008 kl. 18:10]

Sammála Oddgeiri. Það getur verið mjög slæmt ef ekki er hægt að skipa hæfasta mannin af því hann er af röngu kyni. Þær konur sem lengst hafa náð hafa náð þangað vegna eigin ágætis og verðleika en ekki kynferðis.

[Bryndís Ísfold (IP-tala skráð) 8.11.2008 kl. 14:26]

Sammála þér Dögg, þetta er skref í rétta átt - en eins og þú veist brýtur samt stjórn Glitnis í bága við jafnréttislögin. 

takk annars fyrir skemmtilegt blogg :) 

sbr.

"Við skipun í nefndir, ráð og stjórnir á vegum ríkis og sveitarfélaga skal þess gætt að hlutfall kynjanna sé sem jafnast og ekki minna en 40% þegar um fleiri en þrjá fulltrúa er að ræða. Þetta gildir einnig um stjórnir opinberra hlutafélaga og fyrirtækja sem ríki eða sveitarfélag er aðaleigandi að."