Það er greinilegt

að Bretar hafa náð að setja mark sitt á þessa yfirlýsingu því engir nema þeir hafa haldið því fram að við ætlum ekki að uppfylla okkar alþjóðlegu skuldbindingar. En gott hefði nú verið ef leiðtogafundurinn hefði verið skýrari og sagt nákvæmlega til hvaða alþjóðlegu skuldbindinga hér er vísað til. Hugsanlega er verið að vísa til Icesave reikninganna í Bretlandi og víðar. Í því sambandi er athyglisverð grein Stefáns Más Stefánsson prófessors og Lárusar Blöndal hrl. um ábyrgð íslenska ríkisins á innistæðum, sem birtist í Morgunblaðinu á miðvikudaginn síðasta. Af henni má ráða að ábyrgð Íslands sé ekki jafn rík og ýmsir halda fram.

Ísland standi við alþjóðlegar skuldbindingar

Athugasemdir

[Kristján Þór Gunnarsson, 17.10.2008 kl. 12:01]

Bretar hafa vissulega sett mark sitt á þessa yfirlýsingu. Um það er vart hægt að deila. Þegar viðbrögð nágranna og vinaþjóðar er svona harkaleg er rétt hægt að ímynda sér viðbrögð Rússa ef við værum í vanskilum við þá ! "Vísað var til Íslands í lokayfirlýsingu leiðtogafundar Evrópusambandsins í Brussel í dag. Er það lýst yfir samstöðu með Íslandi en jafnframt sagt, að íslensk stjórnvöld verði að uppfylla alþjóðlegar skuldbindingar sínar " Óvíst er hvort  innheimtu-sendinefnd Rússa til Íslands yrði vopnuð skjalatöskum eins og sú Breska. Við sjálfsagt fengjum stuðningsyfirlýsingu frá Evrópusambandinu og Nato en jafnframt yrðum við mynnt á að við yrðum að standa við alþjóðlegar skuldbindingar okkar. Ég vara því við því eitraða epli sem lánveiting frá Rússum væri.

[Karma (IP-tala skráð) 17.10.2008 kl. 13:44]

Sæl Dögg ég kommentaði á færsluna þína frá 14. október og spurði þig eftirfarndi spurningar sem mér þætti vænt um að fá svar og skoðun þína á:

Hver er annars ábyrgð stjórnvalda? Forsætisráðherra kom ítrekað í fjölmiðla og sagði að botninum væri náð og að gengið ætti eftir að styrkjast. Hann sagði það síðast föstudag eða laugardag áður en Glitnir var þjóðnýttur. Einum til tveimur sólarhringum áður en hann samþykkir ákvörðun sem bókstaflega slátrar krónunni.

"Fólk með gengis lán hefði mögulega getað skuldbreytt sínum lánum ef forsætisráðherra hefði ekki sagt berum orðum að ástandi myndi batna. Og seðlabankastjóri fór með sömu sálma.

Ættu þessir menn ekki að bera ábyrgð á orðum sínum?"

Svar óskast.

Kveðja, Karma