Gott

að forsætisráðherra skuli nú með skýrum og afgerandi hafa lofað því að ráðist verði í uppgjör við fortíðina og ítarleg rannsókn gerð. Nú bíðum við nánari upplýsinga um það með hvaða hætti staðið verður að þessari rannsókn. Í því felst að efla þarf verulega starfsemi efnahagsbrotadeildar ríkislögreglustjóra og væntanlega Fjármálaeftirlitsins líka. 

Mjög róttæk viðbrögð

Athugasemdir

[halkatla, 15.10.2008 kl. 15:59]

Það er nákvæmlega ekkert gott við að lesa það sem þú skrifar um málið, ekki taka því samt persónulega, því það er bara verulega vont að lesa um einhver loforð og áætlanir sem þetta viðrini gerir, það er sárt, og fáránleg tímasóun. Notum þann tíma sem er framundan til að gleyma því að svona ótrulega vanhæfir einstaklingar hafi verið kjörnir á þing. Ef eitthvað verður rannsakað þá verður það svo sannarlega ekki eftir tilbendingum Geirs og Árna og alls ekki á vegum einhverra spilltra klíka einsog þeirra sem komu þessu landi á vonarvöl. Skilja virkilega ekki allir að það er ekki hægt að treysta orði af því sem þeir segja? Allt sem þeir hafa sagt og gert undanfarið hefur reynst misskilningur eða þaðanaf verra... á hverjum einasta blaðamannafundi sagði Geir helling af hlutum sem voru í raun miklu verri en hvernig hann lýsti þeim og við þurftum að komast að því 1-2 dögum seinna. Er virkilega til fólk sem er bara alveg sama og gerir ekki meiri kröfur til landstjórnarinnar en þetta? Ég vona að þau þarna úti sem eru enn að rembast við að tilbiðja þessi goð sín fari að opna augun og að niðurlægingin þegar þið loksins vaknið geri ekki útaf við ykkur. Þið berið ábyrgð á þessu ástandi í einu og öllu (takið því væntanlega fagnandi einsog þið tókuð alla ábyrgð á góðærinu og efnahag Íslands einsog hann leggur sig) en ég held að þjóðin sé búin að fá uppí kok núna loksins... maður vonar

[Jón V Viðarsson, 16.10.2008 kl. 00:56]

Sammála þér Dögg Pálsdóttir. Gerum upp fortíðina frá árinu 1984 þar sem þú ásamt fleirrum gerðuð mestu mistök í barnaverndarlögum í manna mynnum.Hvernig væri að ransaka það. Þar á ekki við um PENINGA....!  Heldur mannorð reglusamrar móður.                              

Var látin velja á milli barna sinna. Fyrirsögn í DV fyrr á þessu ári.

KV jón

[Rannveig H, 16.10.2008 kl. 08:36]

Ég er nú að vonast eftir að það verði kallaðir til rannsóknaraðilar annastaðar frá. Ég held að við búum enn að því hvernig Baugsrannsóknin var gagnrýnd og ekki talið að hún væri hafin yfir vafa. Það gæti orðið aftur og við meigum ekki við því,við erum svo lítil þjóð og mikil hagsmunatengsl.

Vona að þú eigir eftir að fjarlæga athugasemd Jóns,það eru svona umæli og hugsun sem gera það lítið spennandi að tjá sig. Að vera blanda einhverjum óskyldum málum inn í umræðuna í hatursfullum tón.

[Gáfnaljósið (IP-tala skráð) 16.10.2008 kl. 11:38]

Sammála Önnu Karen, rannsókn getur ekki farið fram nema erlendir sérfræðingar óháðir valda og flokksklíkum komi þar að með leiðandi hætti. Það var skelfilegt að hlusta á ráðherra taka fram að almenningur þurfi að koma að rannsókninni. Stjórnmálamenn eru fulltrúar okkar. Ef almenningur þarf aðra sérstaka aðkomu er verið að lýsa vantrausti á stjórnmálamenn að mínu mati. Ég tek reyndar undir það vantraust.

[Guðbjörn Guðbjörnsson, 19.10.2008 kl. 12:44]

Rannveig: Já, við eigum að fá norsku ríkisendurskoðunina og fjármálaeftirlitið til að skoða þetta!