Þétti raðirnar

Flokksráðsfundur Sjálfstæðisflokksins, sem haldinn var í dag, verður örugglega minnistæður okkur sem hann sóttum fyrir margra hluta sakir. Auðvitað var búið að ákveða þennan fund fyrir löngu og engan gat þá órað fyrir að hann yrði haldinn í lok einhverrar afdrifaríkustu viku í þjóðmálum og raunar heimsmálum um margra áratuga skeið. Enda hefðu sjálfsagt fáir fyrir viku síðan trúað því að eftir viku væru þrír af fjórum viðskiptabönkum okkar horfnir af sjónarsviðinu og staða mála sú sem raun ber vitni.

Geir H. Haarde flutti afburðagóða ræðu - og svaraði fyrirspurnum fundarmanna með skýrum og skilmerkilegum hætti. Mér þótti gott að heyra hversu afdráttarlaust hann tók á því að leiða þyrfti menn til ábyrgðar ef í ljós kæmi að lög hefðu verið sniðgenginn. Stuðningur við formann flokksins í þeim erfiðu, og mér liggur við að segja ofurmannlegu, verkefnum, sem hann og ríkisstjórnin tekst nú á við er mikill og traustur og kom berlega fram á þessum fundi.

Aðrir ráðherrar flokksins gerðu sínum málaflokkum og sinni sýn á stöðu mála góð skil. Sérstaklega var ég ánægð að heyra orð varaformanns flokksins, Þorgerðar Katrínar Gunnarsdóttur, um það að það þyrfti og það yrði farið yfir allt sem gerst hefur með það fyrir augum að skoða hvort einhverjir hlekkir hafi brugðist í undanfara þeirra atburða sem nú eru orðnir að veruleika. Hún sagði að í þeirri skoðun mætti engan undanskilja og nefndi eftirlitsstofnanir þar sérstaklega. Ég trúi því og treysti að það verði gert.

Ræða, sem Kjartan Gunnarsson, fv. framkvæmdastjóri Sjálfstæðisflokksins, hélt, var í senn það óvæntasta og um leið það eftirminnilegasta sem gerðist á þessum flokksráðsfundi.

Bretar knésettu stærsta fyrirtæki Íslendinga með valdníðslu

Athugasemdir

[Sigurbjörn Friðriksson, 11.10.2008 kl. 18:35]

Það er ekkert annað að gera en að lýsa því yfir í alþjóðafjölmiðlum  að undirbúningur um málaferli á hendur Breska ríkinu sé í fullum gangi, á meðan minni fóks er ennþá með þetta í huga.  Skammtímaminni fólks á svona umrótartímum er mjög, mjög stutt.

Síðan að kæra aðför breskra yfirvalda gegn Íslandi, svo og okkur Íslendingum og íslenskum fyrirtækum staðsettum í Bretlandi á forsendum "Hryuðjuverkalaga",  og stimpla Íslendinga þannig sem hryðjuverkaþjóð, fyrir Öryggisráð SÞ sem og Alþjóðadómstólinn í Haag.  Ég held að umræður þar myndu hrista upp í þessum aumingjum.  Þá stæðu þeir með buxurnar á hælunum, kúkinn í nærunum og þá skini í berann bossann á þeim!

Munið frjálsu bloggsíðuna;  http://blekpennar.com   

Kær kveðja, Björn bóndiïJð

[Tori, 11.10.2008 kl. 19:05]

Kom fram hver seldi fimm mínútur fyrir lokun fyrir 37 milljarða í LÍ? Eða er þetta kjaftasaga?

[Björn Heiðdal, 11.10.2008 kl. 21:20]

X-D og síðan beint í ruslið.

[Heidi Strand, 11.10.2008 kl. 21:38]

Nú verðum við að standa saman!

http://erna-h.blog.is/blog/erna-h/entry/669371/

[Marinó G. Njálsson, 11.10.2008 kl. 22:32]

Getur þú, Dögg, skýrt út hvað þú átt við með óvæntasta?

[Dögg Pálsdóttir, 12.10.2008 kl. 14:35]

Held að fréttir fjölmiðla af fundinum hafi skýrt það. Þar hefur ítarlega verið farið yfir innihald í ræðu fv. framkvæmdastjóra, sem ég skildi nákvæmlega með sama hætti og allir aðrir.

[marco (IP-tala skráð) 12.10.2008 kl. 17:22]

Og havð var það Dögg?  Má kannski ekki segja það upphátt?

[Sigurður Þórðarson, 14.10.2008 kl. 07:20]

Ég er ekki í vafa um að þú skildir þetta taboo, nákvæmlega eins og allir aðrir.

Nema, að því er virðist einn maður, sem eftir á að hyggja  misskildi sjálfan sig.