"Hvað boðar nýárs blessuð sól?"

Árið 2008 er runnið upp. Hreint og tært, óskrifað blað. Hvað það ber í skauti sér vitum við ekki. En það kemur í ljós. Það eitt er öruggt. Gamlárskvöld var vindasamt, nýja árið hreinlega fauk til okkar. Skaupið - aðalumræðuefnið á þessum tíma. Mér fannst það hvorki né. Besta atriðið var saknaðarsöngur Steingríms J. til Ingibjargar Sólrúnar. 

Nýársdagsmorgun var ekki eins fallegur í morgun og fyrir ári. Þá gekk ég niður í Dómkirkju í yndislegu veðri. Í morgun var ekki spennandi veður til að fá sér göngutúr, þótt leiðin hafi styst aðeins við flutninginn.

Ég óska öllum, nær og fjær, gleðliegs árs og góðrar heilsu.