Ég held með Hillary

Þetta eru góðar fréttir og vonandi heldur Hillary þessari forystu þannig að hún nái útnefningu demókrata og sigli síðan örugg í forsetastólinn í kosningunum í nóvember að ári.

Það var athyglisverð umfjöllun um forsetakosningarnar í Bandaríkjunum í Morgunblaðinu nýlega. Þar kom fram að Hillary á mestu fylgi að fagna meðal lítið menntaðra kvenna. Því menntaðri sem konur eru því ólíklegri eru þær til að styðja Hillary. Þetta finnst mér athyglisvert og ég velti fyrir mér hvaða skýringar kunna að vera á þessu. Ég man ekki hvort einhver munur væri á fylgi karlanna með henni eftir menntun.

Ég var í New York haustið sem Hillary var fyrst í framboði til öldungadeildarinnar. Það var sama við hvern maður talaði. Allir höfðu skoðun á Hillary Clinton. "They either hated her or loved her." Það var ekkert þar á milli. Ég man líka vel eftir beinu útsendingunni af kvennaráðstefnunni sem haldin var hér haustið 2000 þar sem Hillary mætti. Hillary var einfaldlega frábær.

Ég held að Hillary Clinton yrði góður forseti Bandaríkjanna. Þar fyrir utan yrði brotið blað með kosningu hennar í það embætti. Að vísu myndi það líka gerast ef Obama næði kjöri. Mér finndist flott ef Hillary yrði forsetaefnið og Obama varaforsetaefni.

Það verður gaman að fylgjast með þessu kapphlaupi næstu mánuðina.

Hillary Clinton tekur forustu hjá demókrötum

Athugasemdir

[Þóra Sigurðardóttir, 2.8.2007 kl. 00:02]

Eins og talað frá mínu hjarta. Hillary er besti kosturinn til að vera forseti Bandaríkjana.

[Trausti Þorgeirsson (IP-tala skráð) 2.8.2007 kl. 13:21]

 Til hamingju með afmælið!

-Ég held með Obama.

[Baldur Fjölnisson, 2.8.2007 kl. 20:33]

Einflokkurinn í BNA og kostendur hans byggja einna helst á fáfræði og því er þessum venjulegu fasísku stríðsmöngerum róterað reglulega. Þetta lið er allt í vasanum á sömu maskínunni, hernaðar- og olíumaskínunni. Til þess að komast til áhrifa í stjórnmálum í BNA þarf 1) gríðarlega mikið af peningum og 2) hagstæða umfjöllun í massafjölmiðlum. Sama maskínan skaffar hvort tveggja. 

[Dögg Pálsdóttir, 3.8.2007 kl. 00:42]

Takk Trausti fyrir afmæliskveðjuna. Við erum næstum sammála því ef Hillary væri ekki í framboði þá myndi ég styðja Obama.

[María Kristjánsdóttir, 3.8.2007 kl. 11:44]

Mér finnst þetta merkilegt með menntuðu konurnar og ómenntuðu konurnar. En hvern styðja menntuðu konurnar þá? Kom það fram?