Þarf að athuga meira?

Föstudagur, 25. maí 2007

Til eru lög um eftirlit með aðgangi barna að kvikmyndum og tölvuleikjum nr. 62/2006 http://www.althingi.is/lagas/133a/2006062.html. Þar er Barnaverndarstofu falið hlutverk vegna efnis af því tagi sem hér um ræðir. Í 1. gr. laganna er eftirfarandi skilgreining:

Kvikmynd eða tölvuleikur sem ógnar velferð barna: Kvikmynd eða tölvuleikur þar sem inntak, efnistök eða siðferðisboðskapur getur vegna orðfæris eða athafna haft alvarleg skaðvænleg áhrif á líkamlegan, andlegan eða siðferðilegan þroska barna, einkum og sér í lagi efni sem felur í sér klám.

Í 2. gr. sömu laga segir:

Bannað er að sýna börnum undir lögræðisaldri ofbeldiskvikmyndir og -tölvuleiki, sem og kvikmyndir eða tölvuleiki sem ógna velferð þeirra. Bönnuð er sýning, sala og önnur dreifing á slíku efni til barna sem hafa ekki náð lögræðisaldri.

Sjálfsagt er álitaefni hvort lögin nái til leikja sem beint er hægt að nálgast á netinu en ég fæ ekki séð annað en að lögin eigi að ná til þeirra. Ef einhver vafi er á því þá er tilvalið fyrir nýja og vaska þingmenn að sjá til þess á sumarþingi, sem hefst nk. fimmtudag, að lögunum verði breytt til að tryggja það að þau nái til þessa viðbjóðsleikjar og annarra af sama tagi sem hægt er að nálgast á netinu.

Í fréttinni kemur fram að 18.500 skráðir notendur séu að þessum leik, í öllum aldurshópum. Af því leiðir væntanlega að þar í hópi geta verið börn og ungmenni, sem áðurnefndum lögum er ætla að vernda fyrir leikjum af þessu tagi.

Þarf eitthvað meira að leita að því hvaða lög eigi við um þessa háttsemi? Hvar er Barnaverndarstofa sem á að hafa eftirlit með því að lögunum sé framfylgt?

	"Afar ósmekklegur leikur"
Ábyrgðarmaður færslu Tilkynna um óviðeigandi tengingu við frétt

Flokkur: Bloggar | Facebook

Athugasemdir

Svo að móðursýkin fari nú ekki alveg úr böndunum, þá kemur það fram fyrir glögga. Að notendur að vefsvæðinu Torrent.is eru 18.500, en ekki einhverjir "skráðir notendur" AÐ leiknum sem slíkum.

Þannig að það er klárt að engir 18.500 manns eru að spila leikinn.

Á torrent.is er að finna heilmikið af efni, sem meira og minna er allt saman að finna á öðrum sambærilegum síðum, til að mynda Torrentspy.com, Mininova.org. Þar sem er að finna leiki, kvikmyndir, þætti, bækur, tónlist og hvað annað sem að fólk vill deila með öðrum netverjum. En náttúrulega meira og minna allt efni sem varið er höfundarrétti og er í flestum tilfellum verið að brjóta hann.

Ég hef ekki spilað þennan leik, en á ekki von á því að þetta geri fólk að vondum manneskjum frekar en leikir sem ganga útá það að drepa.

Eigum við ekki að fara rólega í það að reyna að finna blóraböggla fyrir alla skapaða hluti.

Í Japan er ein lægsta nauðgunartíðni í heiminum, 13 falt lægri en á Íslandi. Samt er talið að ruddalegasta klámefnið, sem og þessi leikur, upprunin í Japan. (http://www.nationmaster.com/graph/cri_rap_percap-crime-rapes-per-capita)

og er Ísland meðal efstu þjóða í heiminum hvað varðar nauðganir per íbúa. Eigum við ekki að kenna klámvæðingunni um ? kannski sólarhringsopnun veitingastaða í miðborginni ?

Eða getur það verið að það sé einfaldlega hnignun í íslenska samfélaginu, sem stafar af einhverju allt öðru ?

Öll lönd í heiminum glíma við vandamál sem tengjast svokallaðri klámvæðingu, þessvegna getur það ekki verið skýring á ótrúlegum fjölda nauðgana á íslandi miðað við önnur lönd í heiminum.

Svo er hér ágæt grein frá lagadeild Stanford háskóla sem fjallar um áhrif klámvæðingar á tíðni nauðgana. (http://www.law.stanford.edu/display/images/dynamic/events_media/Kendall%20cover%20+%20paper.pdf)

p.s.

Nú eru reglulega framin ofbeldisverk í Reykjavík, væri ekki sniðugt að spyrja við yfirheyrslu yfir þeim ofbeldismönnum. "Hvaða leikur, kvikmynd eða bók, fékk þá til að fremja verknaðinn ?"

Ég er ansi hræddur um að fátt yrði um svör, og pælingar um áhrif leikja og kvikmynda á hækkun á tíðni ofbeldisverka séu töluvert ofmetnar.

Ingólfur Þór Guðmundsson, 25.5.2007 kl. 07:32

Góð færlsa, Ingólfur.

Við þetta má bæta að það er 15 ára aldurstakmark inn á torrent.is, þannig að þó að "það megi ætla" (að mati bloghöfundar) að börn séu stór hluti notenda er svo ekki. Fólki hefur verið hent út og það bannað af síðunni fyrir að bjóða of ungu fólki aðgang, en það þarf boðsmiða til að geta skoðað síðuna.

Og já, það eru svo sannarlega ekki 18.500 manns búnir að sækja þennan leik, síðast þegar ég athugaði höfðu rúmlega 400 mismunandi ip tölur sótt leikinn, langflestir eftir þessar auglýsingar sem síðan hefur verið að fá í fjölmiðlum - það var eiginlega enginn að sækja þetta áður. Kaldhæðnislegt, ekki satt?

G. H. (IP-tala skráð) 25.5.2007 kl. 07:40

Vel spurt og góð ábending. Hvaða verðir hafa fengið sér lúr á verðinum?Hvað ræður aðgerðarleysinu?Tómlæti?Kæruleysi? Umburðarlyndi eða aumingjasiðgæði?

Róbert Trausti Árnason (IP-tala skráð) 25.5.2007 kl. 12:20

Ég held að við getum aldrei komið í veg fyrir að svona viðbjóður sé í boði á netinu. Við getum hins vegar reynt að koma í veg fyrir að honum sé haldið að börnum og unglingum og slíkt er ekki hægt að segja með þennan leik þar sem hann er inni á lokuðu vefsvæði og fólk þarf að hafa frumkvæði að því að sækja hann sjálft.

Það sem við getum hins vegar gert er að ungir og gamlir ræði þetta mál heima hjá sér, í skólum og á opinberum vettvangi og ræði það sín á milli hvað þeim finnst um það. Að skilaboðin frá samfélaginu séu skýr um að þetta sé óásættanlegt með öllu. Sumum finnst þetta fyndið. Við þurfum að senda þau skilaboð að maður einfaldlega grínist ekki með suma hluti, þeir séu alvarlegri en það. Þannig náum við hugsanlega að draga úr eftirspurninni (eins og hefur verið gert með áfengi og fíkniefni með unglinga og ungs fólks undanfarin ár) því aðeins þannig getum við dregið úr framboðinu.

Sigurður Viktor Úlfarsson, 25.5.2007 kl. 18:38

Eðlilegt fólk myndi fyllast viðbjóði við tilhugsunina af þessum leik, og ef einhver þarna úti fær ánægðu við leikinn þá megi guð hjálpa þeim manni. Það fer rosalega fyrir brjóstið á mér að einhver skuli verja orð þessa viðbjóðslega leiks.

Ég vill þennan leik út af netinu og beint í ruslið.

Sigga (IP-tala skráð) 25.5.2007 kl. 19:01

Til Siggu.

Við viljum öll fjarlægja þennan leik af netinu.

En málið er bara að það er ekki hægt, þetta er ekki eins og að deleta skrá af harðadisknum hjá þér.

Til þess að geta rætt þetta málefni, þá verður þú að hafa mjög góða þekkingu á virkni netsins og upplýsinga flæðinu á því. Annars er maður bara að tala í tómt.

Að fjarlægja eitthvað af netinu er eins og að fjarlægja hland úr vatni. Það er einfaldlega ekki hægt.

http://www.google.com/search?q=rapelay

Ég googlaði nafnið á þessum "leik" (ef svo er hægt að kalla) og viti menn, ég fékk rétt um 212.000 niðurstöður

Ef þú villt fara út í það að senda email á allar þessar +212.000 vefsíður sem fjalla um þennan leik (fólk frá Færeyjum til Burkina Faso), þá ætla ég ekki að stoppa þig í því. Gangi þér vel :)

Besta leiðin til að berjast gegn svona hlutum á netinu er að stoppa öllum krossförum gegn ósiðlegu efni, þar sem það skapar nokkuð sem kallast "streisand effect".

http://en.wikipedia.org/wiki/Streisand_effect

Vandamálið liggur ekki á netinu, heldur í samfélaginu sem slíku.

Þetta er félagslegt vandamál, ekki lagaleg og því síður tæknilegt.

Baldvin Mar Smárason, 26.5.2007 kl. 03:38